(®) Şirkətlər Qrupu “job.veyseloglu.az” portalını istifadəyə verdi.

Namizədlərin rahat və tez bir zamanda müraciətini təmin etmək məqsədi ilə yaradılan portalda cari vakansiyaları izləmək və Şirkətlər Qrupunun iş mühiti ilə tanış olmaq imkanı yaradılıb.

Şirkətlər Qrupu və Qrupa daxil olan bizneslərdə müxtəlif vakansiyalar üzrə namizəd olmaq istəyən şəxslər həmçinin “job.veyseloglu.az” portalına daxil olaraq özlərinə şəxsi kabinet yarada və məlumatlarını əlavə edə bilərlər. 

Portalda artıq profiliniz mövcuddursa, həmin profil məlumatları ilə Şirkətlər Qrupuna daxil olan istənilən şirkətin karyera portalına yenidən qeydiyyat etmədən daxil ola bilərsiniz. Namizəd müəyyən vakansiyanı seçdikdən sonra, şəxsi kabinetdə ona uyğun olan digər vakansiyalar da avtomatik olaraq təqdim olunur.

Profilinizi daima yeniləyərək və məlumatları əlavə edərək işə qəbul üçün bir addım daha yaxın ola bilərsiniz.

Qeyd edək ki, işə qəbul komandası tərəfindən aktiv olan vakansiya tələblərinə uyğun gələn namizədlərlə əlaqə saxlanılır, digər profillər portalın namizəd bazasına əlavə edilərək münasib vakansiyalar üzrə yenidən dəyərləndirilir. 

 “Veysəloğlu Şirkətlər Qrupu olaraq ölkədə əmək münasibətlərinin inkişafı və tam məşğulluğun təmin edilməsi istiqamətində dövlətin iqtisadi və sosial siyasətini dəstəkləyirik. Dövlət Məşğulluq Agentliyi ilə əməkdaşlıq çərçivəsində işaxtaran və işsiz şəxslərin məşğulluq imkanlarının genişləndirilməsinə dəstək göstəririk. Məlum olduğu kimi, şirkətimiz qeyri-neft sektorunda Azərbaycanın ən iri işə götürən təşkilatlarından biridir və komandamız gün ərzində işə qəbul ilə bağlı çox sayda müraciət qəbul edir. Belə bir portalı yaratmaqda məqsəd həm yeni namizədlərin müraciətlər prosesini asanlaşdırmaq, həm də şirkətimiz üçün müəyyən bir elektron namizəd bazasının yaradılmasıdır. Bundan əlavə, əmək bazarında ixtisaslı kadrları doğru dəyərləndirərək onların şirkətimizdə işlə təmin edilməsinə şərait yaradaraq ölkə iqtisadiyyatına dəyər qatırıq”,- deyə Qrupun İnsan Resursları direktoru Ziya Rəcəbov vurğulayıb.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Dayanıqlı inkişafı dəstəkləmək Veysəloğlu Şirkətlər Qrupunun əsas fəlsəfəsidir. Şirkətlər Qrupu 2022-ci və 2023-cü ildə dünyada tanınmış konsaltinq şirkətlərindən biri olan Deloitte şirkətinin Azərbaycanda təşkil etdiyi nüfuzlu “Best Managed Companies” müsabiqəsində qaliblərdən biri elan edilib.