PAŞA Həyat və PAŞA Sığorta şirkətlərinin Naxçıvan nümayəndəlikləri açıldı

(®) 25 iyul 2023-cü il tarixində Naxçıvan şəhərində məskunlaşan əhaliyə peşəkar sığorta xidmətlərinin göstərilməsi məqsədilə ölkənin lider həyat və qeyri-həyat sığorta şirkətləri olan “PAŞA Həyat Sığorta” ASC və “PAŞA Sığorta” ASC-nin rəsmi nümayəndəliklərinin açılışı baş tutub.
Daim müştəri məmnuniyyətinə xüsusi diqqət ayıran hər iki şirkətin təntənəli açılış mərasimində PAŞA Həyat və PAŞA Sığorta şirkətlərinin İdarə Heyəti sədrləri Niyaz İsmayılov və Ülviyyə Cabbarova, Naxçıvan Muxtar Respublikasında Azərbaycan Prezidentinin səlahiyyətli nümayəndəsinin müavini Samir Seyidəhmədli, Naxçıvan MR İqtisadiyyat naziri Tapdıq Əliyev, Türkiyə Respublikasının Naxçıvan Muxtar Respublikasındakı Baş Konsulu Asip Kaya, AR Mərkəzi Bankının Naxçıvan MR İdarəsinin Sədri Elçin Əliyev, Naxçıvan Dövlət Universitetinin Rektoru Dosent Elbrus İsayev, həmçinin digər dövlət nümayəndələri, sahibkarlar və sözügedən şirkətlərin əməkdaşları iştirak ediblər.
Tədbirdə “PAŞA Sığorta” ASC İdarə Heyətinin sədri Ülviyyə Cabbarova deyib:
“Çox şadam ki, PAŞA Sığorta olaraq artıq Naxçıvan əhalisinə peşəkar xidmətlərimizi təqdim edəcəyik. Qeyd edim ki, bu regionda fəaliyyət göstərmək bizim uzun zamandır var olan istəklərimizdən biri idi. Naxçıvan ofisimizin açılışı ilə birgə biz şirkətimizin regional inkişafı istiqamətində vacib bir addım atmış olduq. Qısa zamanda xidmət sahəmizi genişləndirərək işğal altından azad olmuş torpaqlarımızda da ofisimizin açılışını reallaşdırmaq planlarımız arasındadır. Azərbaycanın bütün iqtisadi rayonlarında əhaliyə keyfiyyətli sığorta xidməti təqdim etmək bizim qarşımıza qoyduğumuz əsas hədəflərimizdəndir. İnanıram ki, yeni nümayəndəliklərimizin açılışı inkişaf strategiyamızın həyata keçirilməsi ilə yanaşı, sığorta sektorunun regional böyüməsində də əhəmiyyətli rol oynayacaq”.
“PAŞA Həyat Sığorta” ASC İdarə Heyətinin sədri Niyaz İsmayılov öz çıxışında bildirib:
“Bizim üçün qürurvericidir ki, artıq Naxçıvan şəhərində fəaliyyətə başlayırıq. Daim müştərilərə ən yaxşı xidmət və rəqəmsal həllər təqdim etmək üzərində çalışan PAŞA Həyat 2021-ci ildən etibarən yeni Rəqəmsal Transformasiya strategiyasını tətbiq edir, belə ki, həyat sığortası sahəsində məhsullarımızı təqdim edərək əhaliyə rahat və keyfiyyətli xidmət göstərməyə tam gücümüzlə çalışacağıq. PAŞA Həyat biznes fəaliyyəti ilə yanaşı korporativ sosial məsuliyyət layihələrinə də önəm verir və bu çərçivədə biznes maarifləndirmə, təhsilə dəstək və digər sosial fəaliyyətlərimiz ilə faydalı olacağımıza əminəm”.
Qeyd edək ki, PAŞA Həyat və PAŞA Sığorta şirkətlərinin birgə yeni nümayəndəliyi Naxçıvan şəhəri, Mirzə Ələkbər Sabir küçəsi bina 1D ünvanında yerləşir. Hazırda nümayəndəlikdə ümumi olaraq 5 əməkdaş çalışır.
Tədbirdən sonra hər iki şirkətin nümayəndələri ümummilli lider Heydər Əliyevin Naxçıvan şəhərində ucaldılan abidəsi önünə gül dəstələri qoyub, Heydər Əliyev Muzeyini ziyarət ediblər.
Müştərilərin xəbərləri
SON XƏBƏRLƏR
- 1 ay sonra
- 4 saat sonra
-
11 saat əvvəl
Culfa Regional Tibb Mərkəzi Publik Hüquqi Şəxsə direktor təyin olunub
-
-
12 saat əvvəl
Vyetnam-Azərbaycan Biznes Şurasının ilk iclası və biznes forum keçirilib
-
12 saat əvvəl
"Legion Financial” şirkətinin nizamnamə kapitalı 550 min manat artırılır
- 12 saat əvvəl
-
13 saat əvvəl
"Birləşmiş Ərəb Əmirliklərindəki təhsil şəbəkəsindən 15%-dən yüksək gəlir gözləyirik"
- 13 saat əvvəl
-
13 saat əvvəl
Yeni tikilən binalarda çəkilən kabellər 100 Mbit/s üzərində sürətin təmin olunmasına imkan vermir
-
14 saat əvvəl
Ferrum Kapital istiqrazlarının hərracı keçiriləcək: 12 aya 14% gəlir
- 14 saat əvvəl
- 14 saat əvvəl
Son Xəbərlər

XalqKart-la Azpetrol YDM-lərində 7% keşbek/petrol!

ARDNF 1400 iri şirkətin səhmlərinə investisiya yatırıb

Dolların sabah üçün rəsmi məzənnəsi müəyyən olunub

Ferrum Kapital istiqrazlarının hərracı keçiriləcək: 12 aya 14% gəlir

Azərbaycanla Vyetnam arasında bərpa olunan enerji sahəsində əməkdaşlığa dair Anlaşma Memorandumu imzalanıb
Ən çox oxunanlar

Azərbaycan və Vyetnam şirkətləri anlaşdı - ADLARI

3 faydalı qazıntı yatağı hərraca çıxarılacaq

“AtaSığorta” şirkətinə 1 ayda 2 dəfə icrası məcburi göstəriş verilib

TECHNOGYM Port Baku - yenilənmiş formatda - FOTO/VİDEO

Sabah Bakıda günün ikinci yarısında şimal-qərb küləyi güclənəcək
