“VMF” 2023-cü ildə əlavə 2 milyon manatlıq istiqraz yerləşdirəcək, saat fabrikini inkişaf etdirəcək

“VMF” 2023-cü ildə əlavə 2 milyon manatlıq istiqraz yerləşdirəcək, saat fabrikini inkişaf etdirəcək

“VMF” 2023-cü ildə əlavə 2 milyon manatlıq istiqraz yerləşdirəcək, saat fabrikini inkişaf etdirəcək

“VMF” şirkəti 2023-cü ilin sonunadək 2 milyon manat məbləğində istiqraz yerləşdirməyi planlaşdırır. Bu barədə şirkətin təsisçisi Vahid Mustafayev məlumat verib.

19 iyul 2023-cü il tarixində Bakı Fond Birjasında “VMF” MMC-nin ümumi dəyəri 1 milyon manat olan istiqrazlarının debüt yerləşdirilməsi həyata keçirilib. İstiqrazların sayı 10 min ədəd, hər birinin nominal dəyəri 100 manat, tədavül müddəti 18 ay, illik faiz dərəcəsi 13%, ödəmə dövrü 90 gündən birdir. İstiqrazları 12 investor əldə edib

“Şirkətimiz 3 aydan sonra 2 milyon manatlıq istiqraz buraxmağı planlaşdırır”, - deyə Mustafayev bildirib. O qeyd edib ki, cəlb olunmuş vəsait “VMF” saatlarının istehsalı fabrikinin inkişaf etdirilməsinə yönəldiləcək.

Mustafayevin sözlərinə görə, “VMF” fəaliyyətini genişləndirməyi planlaşdırır: hazırda Azərbaycanda şirkətin 20 satış nöqtəsi mövcuddur və 2024-cü ildə onların sayının 30-a çatdırılması planlaşdırılır.

"VMF" şirkəti cəlb edəcəyi vəsait ilə biznesini genişləndirəcək. Azərbaycanı saatlarının bütün dünyaya yayılmasında bu istiqrazların çox böyük rolu olacaq",- Vahid Mustafayev bildirib.

“VMF” şirkəti 1998-ci ildə yaradılıb. Şirkət saat və aksessuarlar bazarında fəaliyyət göstərir. Şirkətin nizamnamə kapitalı 20,22 min manat, yeganə təsisçisi Vahid Mustafayevdir.

2022-ci ilin sonuna “VMF” şirkətinin aktivləri 5,9 milyon manat, öhdəlikləri 2,3 milyon manat, kapitalı 3,6 milyon manat məbləğində qiymətləndirilir. Ötən il şirkətin xalis mənfəəti təxminən 426 min manat təşkil edib.

“İnterfaks-Azərbaycan” agentliyinə

20.07.2023 11:05

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az