Şirkət istehsalla əlaqədar 300-dək əməkdaşını Ağdama köçürəcək - DİREKTOR

Şirkət istehsalla əlaqədar 300-dək əməkdaşını Ağdama köçürəcək - DİREKTOR

Ağdamda “Made in Qarabağ” brendli tütün məmulatları istehsal ediləcək

Şirkət istehsalla əlaqədar 300-dək əməkdaşını Ağdama köçürəcək - DİREKTOR

İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkının rezidenti “Tabaterra” Qapalı Səhmdar Cəmiyyəti (QSC) gələn ildən fəaliyyətini Ağdam Sənaye Parkında davam etdirəcək.

Bunu “Tabaterra” QSC-nin direktoru Elman Cavanşir deyib.

VTB-də minimal faiz dərəcəsi ilə nağd kredit 10.49%-dən

Onun sözlərinə görə, hazırda 100-dən artıq çeşiddə məhsul istehsal edən QSC Ağdam Sənaye Parkında investisiya həcmi 40,5 milyon manat olan tütün məmulatları müəssisəsi yaradacaq, 300 nəfəri işlə təmin edəcək:

“Əsas məqsədimiz ən qısa müddətdə Ağdam Sənaye Parkında müasir standartlara uyğun yeni müəssisə inşa etmək, tütün məmulatlarının istehsalını Sumqayıtdan Ağdama köçürməkdir. İstehsalla əlaqədar 300-dək əməkdaşımızın Ağdama köçürülməsi nəzərdə tutulur”.

E.Cavanşir qeyd edib ki, bu layihə “Made in Qarabag” brendinin də təşviqinə imkan verəcək. Qarabağ iqtisadi rayonunda iqtisadi fəallığın təmini məqsədilə ilkin olaraq 500 hektar ərazidə tütün əkini planlaşdırılır. Layihənin davamı kimi 17 müasir istixana, 100 tütünqurutma kamerası, eləcə də inzibatı və anbar binası inşa ediləcək.

Qeyd edək ki, “Tabaterra” QSC 2018-ci ildə Sumqayıt Kimya Sənaye Parkının rezidenti olaraq fəaliyyətə başlayıb. Müəssisədə 8 ədəd istehsal xətti fəaliyyət göstərir ki, bunların illik istehsal həcmi 17 milyard ədəd siqaret təşkil edir. Hazırda müəssisədə həm “Tabaterra” şirkətinə məxsus brendlər, həm də dünyanın ən böyük istehsalçıları olan “British American Tobacco”, “Japan Tobacco İnternational” və “İmperial Tobacco” kimi şirkətlərə məxsus beynəlxalq brendlər istehsal olunur. Zavod yerli brendləri Gürcüstan bazarına ixrac etməyi planlaşdırır. Bu isə ölkəyə 13 milyon dollar vəsaitin daxil olması deməkdir.

18.07.2023 11:11

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az