Azərbaycan dövlətinin 16 milyard manatdan çox borcu olduğu açıqlandı

Azərbaycan dövlətinin 16 milyard manatdan çox borcu olduğu açıqlandı

Adambaşına 1591 manat dövlət borcu var.

Azərbaycan dövlətinin 16 milyard manatdan çox borcu olduğu açıqlandı

01 iyul 2023-cü il tarixinə xarici Azərbaycanın dövlət borcu 6 milyard 576,9 milyon ABŞ dolları (cari məzənnə ilə 11 milyard 181 milyon manat) təşkil etmiş və cari il üzrə proqnozlaşdırılan ümumi daxili məhsulun (ÜDM) 10 faizi həcmində olmuşdur.

Bu barədə Marja.az-a Maliyyə Nazirliyindən bildirilib.

VTB-də yüksək depozit faizləri daha çox qazandırır

Qeyd edilib ki, hesabat dövrünə daxili dövlət borcu 4 milyard 970,3 milyon manat təşkil etmiş və cari il üzrə proqnozlaşdırılan ÜDM-in 4,5 faizi həcmində olmuşdur. Daxili dövlət borcunun əsas hissəsi dövlət büdcəsi kəsirinin maliyyələşdirilməsi və dövlət qiymətli kağızlar bazarının inkişafının dəstəklənməsi məqsədilə buraxılmış dövlət istiqrazlarından ibarətdir. Hesabat dövrünə dövriyyədə olan dövlət istiqrazlarının 28,5 faizi 1 illik, 54,0 faizi 2 və 3 illik,17,5 faizi isə 5 və 7 illik dövlət istiqrazlarının payına düşür.

2023-cü il 01 iyul tarixinə Azərbaycan Respublikasının dövlət borcunun (xarici və daxili) ümumi məbləği 16 milyard 151 milyon manat və ya 2023-cü il üzrə proqnozlaşdırılan ÜDM-in 14,5 faizini təşkil etmişdir. Başqa sözlə, 10 milyon 148 min nəfər əhalisi olan Azərbaycanda adambaşına 1591 manat dövlət borcu var.

2023-cü ilin yanvar-iyun aylarında dövlət borcuna xidmət edilməsi ilə bağlı xərclər 430,8 milyon manat təşkil etmiş və ya dövlət büdcəsinin həmin dövr üzrə ümumi xərclərin 3.1 faizinə bərabər olmuşdur. Sözügedən xərclərin 352,7 milyon manat həcmində hissəsi xarici dövlət borcuna xidmət xərclərinin, 78,1 milyon manatı isə daxili dövlət borcuna xidmət xərclərinin payına düşür.

Bununla yanaşı, 2023-cü ilin birinci yarısında xarici dövlət borcu üzrə əsas borc ödənişlərinin 290,8 milyon manatı, daxili dövlət borcu üzrə vaxtı çatan əsas borc ödənişlərinin 433,3 milyon manatı, ümumilikdə 724,1 milyon manat məbləğində vəsait daxili maliyyə bazarında yerləşdirilmiş dövlət istiqrazları hesabına yenidən maliyyələşdirilmişdir.

15.07.2023 17:55