Aqrar Sığorta Fondu zərərdən mənfəətə keçib

Aqrar Sığorta Fondu zərərdən mənfəətə keçib

Aqrar Sığorta Fondu zərərdən mənfəətə keçib

Aqrar Sığorta Fondu 2022-ci ili 2 milyon 586 min manat xalis mənfəət ilə başa vurub. Fond 2021-ci ili 1 miylon 308 min manat xalis zərər ilə bağlamışdı.

Marja.az xəbər verir ki, Aqrar Sığorta Fondunun hesabladığı sığorta haqları 2021-ci ildə 11 milyon 308 min manat ikən, 2022-ci ildə 13 milyon 739 min manata yüksəlib.

Aqrar Sığorta Fondu 31 dekabr 2022-ci il tarixində 22 milyon 95 min manat cəmi aktivlərə malik olub (2021-ci ilin sonunda 16 milyon 309 min manat).

Fondu idarə edən qurum olan "Aqrar Sığorta Müştərək Sığorta Şirkəti" ASC isə 2022-ci ili 170 min 150 manat xalis mənfəət ilə başa vurub. Ötən il şirkətin cəmi gəlirləri 17 milyon 504 min manat, cəmi xərcləri 17 milyon 288 min manat olub.

2019-cu il də aqrar sığorta sisteminin təşkilini, inkişafını və dayanıqlılığını təmin etmək məqsədi ilə Aqrar Sığorta Fondu təsis edilib. Azərbaycanda aqrar sığorta sistemi dövlət-özəl əməkdaşlıq prinsipləri əsasında qurulmuşdur. Aqrar Sığorta Fondu dövlət tərəfindən təsis olunan və riskləri daşıyaraq sığorta ödənişini həyata keçirən qeyri-kommersiya hüquqi şəxsdir. İdarəedici Şirkət isə qeyri-həyat lisenziyasına malik olan sığorta şirkətləri tərəfindən təsis olunan və sığorta müqavilələrinin bağlanmasını təşkil edən müştərək sığortaçıdır.

Aqrar sığorta müqaviləsi sığortalı və İdarəedici Qurum tərəfindən bağlanır. İdarəedici Qurum – Aqrar Sığorta Fondun adından aqrar sığorta sisteminin idarəedilməsini həyata keçirən müştərək sığortaçıdır. İdarəedici qurum Azərbaycan Respublikası ərazisində qeyri-həyat sığortası sahəsi üzrə fəaliyyətə lisenziyaya malik olan hüquqi şəxslər tərəfindən açıq səhmdar cəmiyyəti təşkilati hüquqi formasında bərabər səhmlərlə yaradılır və fəaliyyət göstərir.

Aqrar sığorta sistemi könüllü sığorta prinsipləri əsasında təşkil edilmişdir.

07.07.2023 13:19

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az