(®) Azərbaycan Qızıl Aypara Cəmiyyəti (AzQAC) “Azerbaijan Fish Farm” MMC ilə birgə humanitar xeyriyyə aksiyasını reallaşdırıb.

Layihə çərçivəsində 240 kilo humanitar yardım  ət məhsulları 120 ailəyə çatdırılıb. 

100 ildən artıq şanlı tarixə malik Azərbaycan Qızıl Aypara Cəmiyyəti Respublikada dövlət qanunu ilə rolu müəyyən olunmuş ən böyük humanitar təşkilatdır.

AzQAC milliyyətinə, cinsiyyətinə, irqinə, dini inanclarına, sinfinə və ya siyasi düşüncələrinə görə heç bir ayrı-seçkilik qoymadan 1920-ci ildən insanlara humanitar yardım göstərir.

2017-ci ildən fəaliyyət göstərən “LU-MUN Holding” MMC Azərbaycanda kənd təsərrüfatı və qida istehsalı sahələrində irimiqyaslı layihələr həyata keçirən investisiya şirkətidir. Holdinqin əsas missiyası Azərbaycanın milli resurslarını optimallaşdırmaq və dirçəltməkdir. Holdinqin məqsədləri isə sağlam və dayanıqlı həyat tərzini cəmiyyətimiz üçün əlçatan və cəlbedici etmək və inkişaf etdirdiyi xidmətlər və məhsullarla tarixdə iz qoymaqdır. Qeyd edək ki, Azerbaijan Fish Farm - Azərbaycanın balıq sənayesinin ən böyük sərmayəçisi olan və  yeni balıqçılıq təsərrüfatlarının yaradılması və ölkənin elmi irsinin dirçəldilməsinə yönəldilmiş “LU-MUN Holding”-in törəmə şirkətidir.

Nərə balıqlarının nəsli kəsilmək təhlükəsi ilə üz-üzə olmasını nəzərə alan “Azerbaijan Fish Farm” istehsala şüurlu, təbiətə isə qayğı ilə yanaşaraq hər il minlərlə nərə körpələrini Xəzər dənizinə buraxara nərə populyasiyasının bərpasına töhfə verir.

“LU-MUN Holding” MMC və onun törəmə şirkətlərinin Korporativ Sosial Məsuliyyət strategiyası diqqətlə düşünülərək təhsil, insan kapitalının inkişafı və ətraf mühitin mühafizəsi sahələrində uzunmüddətli layihələrin həyata keçirilməsinə yönəlmişdir. Bu təşəbbüslər haqqında haqqında daha ətraflı məlumatı csr.lmh.az saytından əldə etmək olar.

Qeyd edək ki, cəmiyyət tərəfindən göstərilən humanitar xidmətlər və hüquqi hərəkətlərin rəqəmsallaşdırılması məqsədi ilə yaradılmış “YARDIM.ET” adlı İanə İdarəetmə Sistemi fəaliyyət göstərir. Bu sistem çərçivəsində HÖP, SMS, “MilliÖn”, “eManat”, hesab.az, “m10”, “mPay”, “ePul”, “Paşa Bank”, “Bank of Baku” və “UniBank” mobil tətbiqləri, həmçinin sayt vasitəsilə bank kartı və s. kimi vasitələrlə ianələrin toplanması və idarəolunması həyata keçirilir. Toplanmış ianələr ehtiyaclı insanlara müvafiq humanitar yardımların edilməsinə yönləndirilir və heç bir kommersiya və gəlir məqsədi daşımır.

Korporativ sosial məsuliyyəti həyata keçirən bütün şirkətlər və təşkilatlar, o cümlədən fərdi sahibkarlar və xeyriyyəçilər Azərbaycan Qızıl Aypara Cəmiyyəti ilə əməkdaşlıq etmək üçün bu ünvana müraciət edə bilərlər: corporate@redcrescent.org.az