Azərbaycan müstəqilliyi dövrü ərzində ölkə iqtisadiyyatı dayanıqlılıq və inkişaf nümayiş etdirib.

Bu barədə Azərbaycan Respublikasının Prezidenti İlham Əliyev mayın 25-də Moskvada qonaq qismində iştirak etdiyi Ali Avrasiya İqtisadi Şurasının geniş tərkibdə iclasında çıxışı zamanı bildirib.

“Azərbaycan tam iqtisadi müstəqillik əldə edib ki, bu, müstəqil xarici siyasət kursu həyata keçirmək üçün əsas faktordur və biz bunu uğurla edirik”, - dövlət başçısı deyib.

"Bu gün qarşıda duran əsas məsələlərdən biri ixracın şaxələndirilməsidir"

Son 20 il ərzində Azərbaycanın ümumi daxili məhsul 3 dəfədən çox artıb.

Bu barədə Azərbaycan Respublikasının Prezidenti İlham Əliyev mayın 25-də Moskvada qonaq qismində iştirak etdiyi Ali Avrasiya İqtisadi Şurasının geniş tərkibdə iclasında çıxışı zamanı bildirib.

Dövlət başçısı deyib ki, Azərbaycanda yoxsulluq səviyyəsi 50 faizdən 5 faizə enib.

Prezidentin sözlərinə görə, xarici borc ümumi daxili məhsulun 9 faizdən az hissəsini təşkil edir və ildən-ilə azalır.

“Azərbaycanın valyuta ehtiyatları xarici borcunu 10 dəfə üstələyir”, - Prezident İlham Əliyev əlavə edib.

Azərbaycan Prezidenti vurğulayıb ki, bu gün qarşıda duran əsas məsələlərdən biri ixracın şaxələndirilməsidir.

Prezident İlham Əliyev diqqətə çatdırıb ki, Azərbaycanda işsizlik səviyyəsinin cəmi 5 faiz olmasına baxmayaraq, ölkə əhalisinin sayı 20 il ərzində 7 milyondan 10 milyona çatıb ki, bu da yeni iş yerlərinin yaradılması üçün aktiv fəaliyyət tələb edir.

Azərbaycanın Avrasiya İqtisadi Birliyinə üzv ölkələrlə ticarət dövriyyəsi ötən il 31 faiz artıb

Azərbaycanın Avrasiya İqtisadi Birliyinə üzv olan ölkələrlə ticarət dövriyyəsi ötən il 31 faiz artıb və 4,7 milyard dollar təşkil edib.

Bu barədə Azərbaycan Respublikasının Prezidenti İlham Əliyev mayın 25-də Moskvada qonaq qismində iştirak etdiyi Ali Avrasiya İqtisadi Şurasının geniş tərkibdə iclasında çıxışı zamanı bildirib.

Prezident İlham Əliyev qeyd edib ki, bu ilin yanvar-aprel aylarında ticarət dövriyyəsi əlavə 38 faiz artıb.

Dövlət başçısının sözlərinə görə, ötən il Avrasiya İqtisadi Birliyinə üzv olan ölkələrin Azərbaycanın xarici ticarət dövriyyəsindəki payı 9 faizə yaxın təşkil edib.

"Biz ticarət dövriyyəsinin gələcək inkişafı üçün böyük potensial görürük", - Azərbaycan Prezidenti vurğulayıb.