28 gündə 1 milyondan çox satılıb

Huawei-nin Honor markasına aid olan 9 modeli bazara çıxmasından 28 gün keçməsinə baxmayaraq, əldə edilən satış rəqəmi təəccübləndiricidir.

"Marja" xəbər verir ki, Huawei-nin markası olan Honor, yeni Honor 9 ağıllı telefonunun təqdimatından bu yana keçən 28 gün ərzində 1 milyon ədəd satdığını açıqlayıb.

İlk olaraq Çində satışa çıxan və daha sonra Avropada bazara çıxan telefon, şirkətin məhsulları arasında ən yaxşı xüsusiyyətləri təqdim edir.

Android 7 ilə yüklü olan Huawei-nin Honor 9 telefonunda 5.15 düym full HD ekran, 6 GB RAM, 3.200 mAh batareya var.

ÜRƏKLƏ AL, ÜRƏKLƏ SÜR - TAM YENİ ACCENT

Huawei Mate 9 və Huawei P10-da da istifadə edilən Kirin 960 prosessorun quraşdırıldığı telefonda arxa kamera 2x optik yaxınlaşdırma imkanına malikdir.

20 və 12 meqapiksellik linzalara malik olan arxa kameraların fotoşəkil keyfiyyəti olduqca yüksəkdir.

Ön kamera isə 8 meqapiksel çəkiliş edə bilər.

Modelin bu satış rəqəmi, iPhone-un bazardakı son modeli olan 7-nin və ya Galaxy-nin S8 modelinin satış rəqəmlərilə müqayisə edilsə, sizcə, Apple və Samsung narahat ola bilərmi?

Hələlik deyil. Çünki Apple, iPhone 7 satışında yalnız ilin ilk rübündə rekord rəqəmə çatmışdı.

Ay ərzində iPhone 7 və 7 Plus birlikdə 38,9 milyon ədəd satılaraq aşılması çətin bir satış rəqəminə çatmışdı.

40%-Ə QƏDƏR ENDİRİMLƏ SƏYAHƏT EDİN!

Bənzər şəkildə Samsung üçün də vəziyyət qorxunc deyil. Samsung Galaxy S8 və S8+ın ilk 2 aydakı satış rəqəmləri cəmi 12 milyon olmuşdu.

Honor 9 ilk ayda 1 milyon ədəddən bir qədər çox satıla bilər.

Lakin Honor-ın satış rəqəmi diqqətə dəyər. Çünki Honor-ın marketinq və reklam büdcəsi Apple və Samsung kimi iki nəhəngin yanında daha aşağıdır.

Buna qarşı güclü xüsusiyyətləri və cəlbedici dizaynı yüksək satış rəqəmi əldə etməyi təmin edib.

Telefonun Amazon-dakı satış qiyməti 429 Avrodur.