FED sədrinin açıqlaması bazarlarda "zəlzələ" yaratdı - DOLLAR BAHALAŞIR, QIZIL VƏ NEFT UCUZLAŞIR

FED sədrinin açıqlaması bazarlarda "zəlzələ" yaratdı - DOLLAR BAHALAŞIR, QIZIL VƏ NEFT UCUZLAŞIR

ABŞ Mərkəzi Bankının (FED) sədri Jerome Powell, ABŞ Senatının Bank Komitəsinə etdiyi təqdimatda yüksək inflyasiyanın onların faiz dərəcələrini gözlədiklərindən daha çox yüksəldilməsinə səbəb olacağını bildirib. Qısası, FED inflyasiya ilə mübarizə üçün faiz dərəcəsini artırmağa davam edəcək. FED sədrinin bu açıqlaması bazarlarda kəskin qiymət dəyişikliklərinə səbəb olub.

FED sədrinin açıqlaması bazarlarda "zəlzələ" yaratdı - DOLLAR BAHALAŞIR, QIZIL VƏ NEFT UCUZLAŞIR

ABŞ Mərkəzi Bankının (FED) sədri Cerom Pauellin (Jerome Powell) ABŞ Konqresində iki gün davam edəcək yarımillik Pul Siyasəti Hesabatı ilə bağlı təqdimatı başlayıb.

Marja xəbər verir ki, Pauell ABŞ Senatının Bank Komitəsinə etdiyi təqdimatda bu il başlayacaq güclü və davamlı iqtisadi aktivliyin mərkəzi bank rəsmilərini faiz dərəcələrini daha da artırmağa sövq edə biləcəyini və yüksək inflyasiyanın onların faiz dərəcələrini gözlədiklərindən daha çox artırılmasına səbəb olacağını bildirib.

VTB-də yüksək depozit faizləri daha çox qazandırır

Senatın Bankçılıq Komitəsində danışan Pauell deyib: "Son iqtisadi məlumatlar gözləniləndən daha güclüdür və bu, faiz dərəcələrinin son səviyyəsinin, ehtimal ki, əvvəllər gözləniləndən daha yüksək olmasını tələb edəcək".

“İnflyasiya ilə mübarizədə hələ çox yolumuz var”

Pauell, son aylarda inflyasiyanın "ilıq"olmasına baxmayaraq, inflyasiyanın 2% səviyyəsinə endirilməsi prosesində çox uzun bir yol olduğunu söyləyib.

Ötən il FED uçot dərəcəsini 8 dəfə artıraraq 4,5-4,75% aralığına çatdırıb.

Pauell çərşənbə günü ABŞ Nümayəndələr Palatasının Komitəsində də təqdimatla çıxış edəcək.

Puelin açıqlamasından sonra Dollar bahalaşıb. Bakı vaxtı ilə saat 23:14-ə olan məlumata görə, Avro/Dollar məzənnəsi 1,14% azalaraq 1.0557 səviyyəsinə düşüb (avro ucuzlaşıb, dollar bahalaşıb). Qızıl 1,7% ucuzlaşaraq unsiyası 1815 dollara, Brent nefti isə 3% ucuzlaşaraq 83,61 dollara geriləyib.

07.03.2023 23:05

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az