Novruz bayramını yerli otellərdə qeyd etmək ilə bağlı da tur paketləri hazırlanıb. 

Marja.az-ın araşdırmasına görə, 20-23 mart günlərində 2 nəfərin yerli oteldə Novruz bayramını qeyd etməsi üçün 429 -1272 manat civarında bir məbləğ xərcləməlidir. Qiymətlər otel otağından və xidmətlərdən asılı olaraq dəyişir. 

Belə ki, 20-23 mart tarixləri üçün (3 gecə, 4 gün) Şabranda yerləşən "Qalaalti Hotel & SPA"da qiymətlər 1089 manat və 1164 manat, Lənkəranda yerləşən "Lankaran Springs Hotel"də 1125 manat və 1272 manat,  Şamaxıda yerləşən "Shamakhi Palace Hotel"də isə 1245 manatdır. Qiymətlərə 3 dəfə qidalanma da daxildir.

Şəkidə yerləşən "Marxal Resort & SPA" 660 manat və 780 manat, Qəbələdə yerləşən "Qafqaz Riverside Hotel" 774 manat, İsmayıllıda yerləşən "Basqal Resort & SPA" 990 manat, Qubada yerləşən "Macara Lake Resort " 730 manat qiymət təklif edir. Qiymətlərə səhər və axşam qidalanma daxildir.

Qaxda yerləşən "El Resort" da qiymətlər bir qədər münasibdir. Otel dağ mənzərəli standart otağı 429 manata təklif edir. 

"Quba Palace Hotel" Novruz bayramı günlərini möhtəşəm bayram konserti, tonqal, şən əhvali-ruhiyyə və Qubanın füsunkar təbiətinin əhatəsində qeyd etməyi təklif edir. 2 nəfər üçün 1 gecənin qiyməti 195 manatdır. Bu qiymətə dağ mənzərəli Deluxe otaqda gecələmə, geniş çeşidli səhər yeməyi (açıq bufet), SPA (qapalı hovuz, idman zalı, Türk hamamı, sauna) və Novruz bayramı proqramı daxildir.

Qeyri-istirahət günləri Azərbaycanın rayonlarında yerləşən lüks otellərdə qalmaq daha ucuzdur. Qiymətlər 1 nəfər üçün 65 - 110 manat civarında dəyişir.

Novruz bayramında ailənizlə birlikdə təbiətin qoynunda dincəlmək istəyirsinizsə, bu tur paketlərini rezervasiya edə bilərsiniz. Rezervasiyada "Baku Holiday Travel" şirkəti sizə kömək edə bilər.

Qeyd edək ki, birbaşa mehmanxanalara müraciət edərk tur paket qiymətlərindən fərqli təkliflər ala bilərsiniz. Novruz bayram günlərində "Macara Lake Park"ın "Townhouse Standard" otaqlarında, günorta və səhər yeməyi, spa xidmətləri daxil 2 nəfərlik otaq qiyməti 190 manatdan, "Lake Park" binasında standard otaqlar isə 220 manatdan başlayır.

Novruz bayramını İstanbulda qeyd etməyin tur qiymətləri isə 6 gecə 7 gün üçün (19 mart - 25 mart) 820 dollardan (1400 manatdan) başlayır və 1135 dollaradək (2000 manatadək) çatır. Qiymətlər 2 nəfərlik otaqda 1 nəfər üçün hesablanıb. 

Novruz bayramında Monteneqro turunun qiyməti 2106 dollardan (7 gecə 8 gün), Tiflis turunun qiyməti isə 1040 dollardan (3 gecə 4 gün) başlayır. Tur qiymətləri 2 nəfərlik otaqda 2 nəfər üçün hesablanmışdır. 

Qeyd edək ki, yerlərin və xidmətlərin sayından asılı olaraq otellərdə fərqli qiymətlər olar. Bu məqalə  Novruz bayramında otellərdə istirahət etməyin qiymətləri haqqında təxmini təsəvvür yaratmaq üçün hazırlanmışdır.