"PAŞA Bank" ASC 2022-ci il üzrə maliyyə göstəricilərini açıqlayıb.

Marja.az xəbər verir ki, PAŞA Bank 2022-ci ili 149 milyon 394 min manat xalis mənfəət ilə başa vurub. Bank 2021-ci ili 90 milyon 180 min manat xalis mənfəət ilə bağlamışdı. Beləliklə, PAŞA Bankın xalis mənfəəti 2021-ci illə müqayisədə 2022-ci ildə 65,7% və ya 59 milyon 214 min manat artıb. Xalis mənfəətin artması gəlirlərin artmasından və mümkün zərərlər üçün yaradılan ehtiyatlara ayırmanın azalmasından qaynaqlanır.

Xatırladaq ki, PAŞA Bank 2020-ci ili 84 milyon 252 min manat xalis mənfəət ilə bağlamışdı, Bankın xalis mənfəəti 2020-ci illə müqayisədə 2021-ci ildə 7 % və ya 5 milyon 928 min manat artmışdı.

2022-ci ildə PAŞA Bankın cəmi əməliyyat gəlirləri (faiz və qeyri-faiz gəlirləri) 497 milyon 974 min manat təşkil edib ki, bu da 2021-ci il ilə müqayisədə 27,5% və ya 107 milyon 552 min manat çoxdur. 2021-ci ildə Bankın əməliyyat gəlirləri 390 milyon 422 min manat təşkil etmişdi.

2022-ci ildə PAŞA Bankın cəmi əməliyyat xərcləri (faiz və qeyri-faiz xərcləri) 283 milyon 919 min manat təşkil edib ki, bu da 2021-ci il ilə müqayisədə 24,2 % və ya  55 milyon 393 min manat çoxdur. 2021-ci ildə Bankın əməliyyat xərcləri 228 milyon 526 min manat təşkil etmişdi.

PAŞA Bankın faiz gəlirləri 2021-ci illə müqayisədə 2022-ci ildə 19,1% aratarq 312 milyon 340 min manat, qeyri-faiz gəlirləri isə 44,7% artaraq 185 milyon 634 min manat təşkil edib. 

Ötən il PAŞA Bankın əməliyyat gəlirləri əməliyyat xərclərini üstələdiyindən Bankın 212 milyon 808 min manat əməliyyat mənfəəti olub. 2021-ci ildə Bankın əməliyyat mənfəəti 161 milyon 896 min manat təşkil etmişdi. Beləliklə, PAŞA Bankın əməliyyat mənfəəti 2021-ci illə müqayisədə 2022-ci ildə 50 milyon 912 min manat və ya 31,4% artıb.

2022-ci ildə PAŞA Bankın mümkün zərərlər üçün yaradılan ehtiyatlara ayırdığı vəsait 14 milyon 159 min manat təşkil edib ki, bu da 2021-ci il ilə müqayisədə 2,8 dəfə azdır. Bank 2021-ci ildə mümkün zərərlər üçün yaradılan ehtiyatlara 38 milyon 950 min manat ayırmışdı.

2022-ci ildə PAŞA Bank mənfəət vergisindən əvvəlki 198 milyon 649 min manat mənfəətindən 49 milyon 255 min manat mənfəət vergisi ödəyib. Bank 2021-ci ildə mənfəət vergisindən əvvəlki 122 milyon 947 min manat mənfəətindən 32 milyon 767 min manat mənfəət vergisi ödəmişdi.

PAŞA Bankın cəmi aktivləri 2021-ci illə müqayisədə 2022-ci ildə 32,9% və ya 2 milyard 111 milyon 433 min manat artaraq 31 dekabr 2022-ci il tarixində 8 milyard 519 milyon 814 min manat təşkil edib. Bank 2021-ci ilin sonunda 6 milyard 408 milyon 381 min manat cəmi aktivlərə malik idi.

30 sentyabr 2022-ci il tarixində isə PAŞA Bankın cəmi aktivləri 7 milyard 606 milyon 15 min manata çatmışdı. Ötən ilin 4-cü rübündə PAŞA Bankın cəmi aktivləri 1 milyard 197 milyon 634 min manat artıb.

PAŞA Bankın kredit portfeli (müştərilərə verilmiş kreditlər) 2021-ci illə müqayisədə 2022-ci ildə 7,2% və ya 182 milyon 486 min manat artaraq 31 dekabr 2022-ci il tarixində 2 milyard 728 milyon 64 min manat təşkil edib. 2021-ci ilin sonunda Bankın kredit portfeli 2 milyard 545 milyon 578 min manata çatmışdı.

PAŞA Bankın depozit portfeli 2021-ci illə müqayisədə 2022-ci ildə 39,3% və ya 1 milyard 974 milyon 892 min manat artaraq 31 Dekabr 2022-ci il tarixində 7 milyard 4 milyon 319 min manat təşkil edib. Bank 2021-ci ilin sonunda 5 milyard 29 milyon 427 min manat cəmi depozitlərə malik idi.

31 dekabr 2022-ci il tarixində 550 milyon 710 min manat məcmu kapitala malik olub. Bank 31 dekabr 2021-ci il tarixində 423 milyon 260 min manat məcmu kapitala malik idi. PAŞA Bankın məcmu kapitalı 2021-ci illə müqayisədə 2022-ci ildə 127 milyon 450 min manat və ya 30,1% artıb.