(®) AccessBank-ın Müşahidə Şurasının üzvü Verner Klas ilə müsahibə.

-Cənab Klas, siz regionunda üç müxtəlif bankın Müşahidə Şurası və Komitəsinin üzvüsünüz. Azərbaycanın bank sektoru regionun digər ölkələrindən nə ilə fərqlənir?

-Şərqi Avropa bank sektorunda Qərbi Avropa banklarının törəmə şirkətləri üstünlük təşkil edir. Nəticədə, onlar maliyyə dəstəyindən (kapital, borclar) əməliyyat dəstəyinə (texnologiya, təlim, risklərin idarə edilməsi) qədər müxtəlif səviyyələrdə dəstəkdən faydalanırlar. Özü-özünü təmin edən Azərbaycan bank sektoru üçün bu vəziyyət keçərli deyil.

Şərqi Avropa bankları qısamüddətli perspektivdə nəticələr verməyə məcburdurlar. Çünki onların əsas şirkətləri birjalarda iştirak edirlər və investisiya analitikləri tərəfindən yaxından izlənilirlər. Bu vəziyyət bankların uzunmüddətli perspektivə kifayət qədər diqqət yetirməmələrinə gətirib çıxarır.

-Azərbaycan bank sektorunu necə mövqeləndirərdiniz və yerli banklar və AccessBank yaxın gələcəkdə hansı sahələrə diqqət yetirməlidir?

-Bank sektoru heç vaxt fəaliyyət göstərdiyi iqtisadiyyatdan tam ayrıla bilməz. Ölkənin qaz və neftdən yüksək asılılığını nəzərə alaraq, banklar iqtisadiyyatın diverifikasiyasında əsas rolda çıxış etməlidirlər.

AccessBank əsas müştəri bazası üçün ekosistem qurmaqla mikro, KOB və pərakəndə müştərilərin qeyri-bank və qeyri-maliyyə iştirakçıları ilə daha sıx inteqrasiyasına imkan yaratmalıdır. Bank, müştərilər üçün təqdim etdiyi xidmətlərin keyfiyyətini azaltmadan paylaşım kanallarını genişləndirməli və texnologiyasını təkmilləşdirməlidir.

-Yaxın 5 ildə AccessBank-dan gözləntiləriniz nələrdir?

-Bankın gələcək fəaliyyəti onun insan resurslarının və sistemlərinin keyfiyyəti ilə müəyyən edilir. Nəzərə alaq ki, sistemlər də insanlar tərəfindən qurulur.

Fikrimcə, AccessBank-ı böyük gələcək gözləyir. Bank faktiki olaraq istənilən növ böhrandan uğurla çıxdığını sübut edib, yerli və hətta regional kontekstdə həddindən artıq çeviklik və yaradıcılıq nümayiş etdirib.

Yuxarıda qeyd etdiklərimə əsasən, bankın mikro, KOB və pərakəndə bankçılıqda bazar payını artıracağını, əsas seqmentləri üçün aparıcı maliyyə institutuna çevriləcəyini gözləyirəm. Həmçinin yüksək gəlirlilik və maliyyə dayanıqlılığına nail olacağına ümid edirəm.