(®) İlin sonu yaxınlaşdıqca bayramın gəlməsindən başqa əhvalımızı qaldıran başqa səbəblərdə var. Korporativ mühitdə olanlar bilir ki, il sonu həm də illik bonus deməkdir. Bir çoxlarımız bu bonuslarla bağlı müxtəlif planlar qurur, arzularımızı bonusla gerçəkləşdirmə imkanları axtarırıq.

Bəs bu bonusu büdcəmizə ən faydalı şəkildə necə istifadə edə bilərik?

5 addımda yeni ilə maliyyə baxımdan daha uğurlu şəkildə girməyin və bonuslarımızı ən yaxşı şəkildə istifadə etməyin yollarını təqdim edirik.

1. Borclarınız varsa bağlayın

İnsanı maddi cəhətdən ən çox limitləyən şey borcdur. Kiməsə borclu olmaq daim narahatlıq yaradır. Əgər borcunuz və ya kreditiniz varsa bonusunuzla bunu bağlamağınız və yeni ilə azad girməyiniz yaxşı seçim ola bilər. Unutmayın ki, borcunuzu bağladıqdan sonra yenidən borclanmaq üçün etibar da qazanmış olursunuz. 

2. Ehtiyat büdcə yaradın və ya əlavə edin 

İllik bonusunuz yığımlarınız üçün olduqca yaxşı mənbə hesab oluna bilər. Böyük arzularınız üçün topladığınız məbləğə sizi motivasiya edəcək qədər yatırım etmək əlbəttə ki, çox yaxşı addımdır. Avtomobil almaq istəyirsinizsə və ya qarşıdan gələn il səyahətə getmək istəyirsinizsə illik bonusunuzu yığımın üzərinə əlavə edin.

3. Bonuslarınızı gündəlik xərclərdə əlavə gəlirə çevirin.

Gəlirli xərclərin nə olduğunu bilirsiniz? Evinizin aylıq xərcləri, alınmalı ehtiyacları və ya iri ödəmələrini xüsusi platformalarla edərək keşbek qazana bilərsiniz. Misal olaraq bütün ödəmələrdən 2% keşbek təklif edən PashPay-in m10 tətbiqini göstərmək olar. Yığılıb qalan ödəmələrdən xətri sayılacaq miqdarda keşbek qazanmaq yeni ilə bir addım irəlidə girmək deməkdir.

4. Qalığa faiz təklif edən hesaba yatırın

Əgər bonusunuzla bağlı ciddi planlarınız yoxdursa, onu əlavə gəlir gətirən bank hesabına yerləşdirə bilərsiniz. Bir çox banklar pulunuzu onların hesabına köçürdüyünüz halda yeksək faizlər təqdim edir. Bankların hesab qalıqlarına etdiyi təklifləri dəyərləndirərək bonusunuzu müəyyən qədər lakin passiv formada gəlirə çevirə bilərsiniz.  

5. Özünüzə investisiya edin

Yeni ildə sizə qazandıracaq bir digər addım da bonuslarınızla öz inkişafınızı dəstəkləməyinizdir. Peşənizi artıracaq hər hansı kurs, yeni bacarıq üçün yeni qurğu və ya çoxdan arzuladığınız bir bacarıq üçün atılan bir addım — sizi yeni ilin ən qazanclılarından biri edə bilər. Özünüzü hədiyyə ilə mükafatlandırmaq da bunların sırasına daxildir.

Planınızın nə olmasından asılı olamayaraq, bonusunuzu faydalı xərcləməyə diqqət edin. Bu imkandan yaxşı istifadə edərək. Yeni ilə iqtisadi azadlığınızla birlikdə daxil olun!