Azərbaycanda 8 bankın mənfəət vergisi ödəmələri artıb

Azərbaycanda 8 bankın mənfəət vergisi ödəmələri artıb

Azərbaycanda 8 bankın mənfəət vergisi ödəmələri artıb

Azərbaycanda fəaliyyət göstərən 26 bankdan 12-si bu ilin yanvar-sentyabr aylarında mənfəət vergisi ödəyib ki, bunlardan da 8-də sözügedən göstərici ötən ilin eyni dövrü ilə müqayisədə çox olub.

Bunlar “Zıraat Bank Azərbaycan”, “Azərbaycan Sənaye Bankı”, “PAŞA Bank”, “Azərbaycan Beynəlxalq Bankı”, “Kapital Bank”, “Express Bank” və “Bank of Baku” ASC-lər, “Yapı Kredi Bank Azərbaycan” QSC-dir.

VTB-də minimal faiz dərəcəsi ilə nağd kredit 9.9%-dən

4 bank – “Bank Respublika”, “Zıraat Bank Azərbaycan”, “Azər-Türk Bank” və “Günay Bank” isə bu ilin 9 ayında mənfəət vergisi ödəsə də, ötən ilin eyni dövründə ödəməyib. Odur ki, onların vergi ödəmələrinin dinamikasını hesablamaq mümkün olmayıb.

1 bankın – “Xalq Bank” ASC-nin isə mənfəət vergisi ödəmələri 100% azalıb.

Bu ilin 9 ayında mənfəət vergisi ödəməmiş 13 bank isə həm də ötən ilin eyni dövründə mənfəət vergisi ödəməyib. Odur ki, həmin bankların da vergi ödəmələrinin dinamikasını hesablamaq mümkün olmayıb.

12 bank mənfəət vergisini vaxtından əvvəl ödəyib

Azərbaycanda fəaliyyət göstərən 26 bankdan 12-si mənfəət vergisi ödəmək üçün ilin sonunu gözləməyib.

Bunlar "Kapital Bank", "Azərbaycan Beynəlxalq Bankı", "PAŞA Bank", "Bank of Baku", “Bank Respublika”, "Xalq Bank", "Express Bank", “Azərbaycan Sənaye Bankı”, “Zıraat Bank Azərbaycan”, “Azər-Türk Bank” və “Günay Bank” ASC-lər, eləcə də "Yapı Kredi Bank Azərbaycan" QSC-dir.

Adları çəkilən banklar bu ilin yanvar-sentyabr aylarında dövlət büdcəsinə ümumilikdə 156,952 milyon manat mənfəət vergisi ödəyiblər. Bu baxımdan ən yüksək göstərici "Kapital Bank"da (57,136 milyon manat), ən aşağı göstərici isə “Günay Bank”da (187 min manat) qeydə alınıb.

İllik 12.99%-dən 40 000 AZN-dək zaminsiz komissiyasız kredit!

07.12.2022 11:34