(®) Azərbaycan Banklar Assosiasiyasının təşkilatçılığı ilə 26-28 Oktyabr tarixlərində Azərbaycan Respublikası Mərkəzi Bankının Ödəniş sistemləri və hesablaşmalar departamentinin nümayəndəsi ilə “Ödəniş sistemləri və rəqəmsal bankçılıq üzrə Ekspert Qrupu”nun geniş tərkibli heyətinin ‘’T.C. Ziraat Bankası’’na rəsmi səfəri baş tutmuşdur.

Səfər çərçivəsində nümayəndə heyəti 158 illik tarixə malik və Dünyanın 18 ölkəsində təmsil olunan ‘’T.C. Ziraat Bankası’’nın fəaliyyət təcrübəsi, rəqəmsal transformasiyası üzrə əldə edilən nailiyyətləri, məhsul və xidmətləri, ödəniş alətləri, o cümlədən ödəniş kartları və bu sahədə tətbiq olunan yeniliklər, fırıldaqçılıq əməliyyatlarına qarşı mübarizə tədbirləri, innovativ ödəniş həll və texnologiyalarının tətbiqinin öyrənilməsi üçün görüşlər keçirmişlər. Türkiyənin digər iri bankları, maliyyə institutları  və fintekləri ilə də görüşlərin keçirilməsi nəzərdə tutulur. Qeyd edək ki, Ziraat Bank Azərbaycanın əməkdaşları da Azərbaycan Banklar Assosiasiyasının “Ödəniş sistemləri və rəqəmsal bankçılıq üzrə Ekspert Qrupu”n üzvləri sırasındadır və təşkil edilmiş görüşlərin iştirakçılarıdır.

“T.C. Ziraat Bankası” Azərbaycanda fəaliyyət göstərən  “Ziraat Bank Azərbaycan” ASC –nin 99.98%-lıq səhm sahibliyinə malikdir və bankın əsas səhmdarıdır. “Ziraat Bank Azərbaycan” ölkənin ən gənc və tez inkişaf edən banklarından biridir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərinə təqdim edir. 2022-ci ildə xarici ticarət istiqamətində göstərdiyi üstün xidmətlərə görə Bank “Global Finance” beynəlxalq nəşri tərəfindən “İlin ən yaxşı xarici ticarət xidmətini təqdim edən bank”ı adına layiq görülmüşdür.

 “Ziraat Bank Azərbaycan” ASC-nin təqdim etdiyi məhsul və xidmətlər haqqında ətraflı məlumatı, Bankın Facebook, Instagram, Twitter, Linkedin sosial media hesablarından və ya *9229 qısa nömrəsinə zəng edərək əldə edə bilərsiniz.