Azərbaycanda fəaliyyət göstərən 56 bank olmayan kredit təşkilatından (BOKT) 16-nın ötən il (xalis) mənfəəti əvvəlki illə müqayisədə çox olub.

Bunlar “TCF”, “Premier Kredit”, “City Finance”, “FİNKA Azərbaycan”, “TBC Kredit”, “Kredex”, “International”, “Qafqaz-Kredit”, “İdeal Kredit”, “Avrasiya-Kredit”, “Aqrarkredit”, “MCB”, “Embafinans”, “PSG Finans”, “Merkuri” və “Brand Credit” BOKT-lardır. Ən yüksək dinamika “TCF”də (9,3 dəfə), ən aşağı dinamika isə “Brand Credit”də (4,5%) qeydə alınıb.

7 BOKT-un – “Kredit Servis”, “Azmikroinvest”, “Viator Mikrokredit Azərbaycan”, “Asel Kredit”, “Finoko”, “Effektinvest” və “Kəpəz”in isə (xalis) mənfəəti azalıb. Ən çox azalma “Kəpəz”də (76%), ən az azalma isə “Kredit Servis”də (25,5%) qeydə alınıb.

4 BOKT-un – “Prior Credit”, “Azinvestkredit”, “Birkart” və “Kredaqro”nun (xalis) zərəri artıb, 5 BOKT-un – “Gold Finance”, “Union Kredit”, “Para”, “Azərbaycan Mikrokredit Azərbaycan” və “İcraçı Kredit Agentliyi”nin (xalis) zərəri azalıb.

8 BOKT – “Azkredit”, “Falcon Finance”, “İDK”, “İnkişaf üçün maliyyə”, “M Bulak”, “MJ Financial Services”, “Regional” və “Viza Kredit” 2021-ci ili (xalis) mənfəətlə, 2020-ci ili (xalis) zərərlə, 1 BOKT - “Finex Kredit” ötən ili (xalis) zərərlə, əvvəlki ili isə (xalis) mənfəətlə başa vurub, 1 BOKT-un “Aset Maliyyə Texnologiyaları”nın həm 2021-ci ildə, həm də 2020-ci ildə mənfəəti (eyni zamanda zərəri) olmayıb, 1 BOKT - “Optimal Finance” ötən ildən mənfəətlə çıxıb, əvvəlki il isə mənfəəti olmayıb. Odur ki, bu kredit təşkilatlarının (xalis) mənfəətinin / zərərinin dinamikasını hesablamaq mümkün olmayıb.

1 BOKT - “SF Azerbaijan” bazara bu il, 4 BOKT - “Azfinans”, “Finkapital”, “FNC” və “Nas Project” isə bazara ötən il daxil olub. 8 BOKT – “Azəri Star Mikromaliyyə”, “Azpul”, “Caspian Invest”, “Finans İnvest”, “Finans Kredit”, “Fintrend”, “Omni Finance” və “Pro Kredit” (xalis) mənfəətinin / zərərinin dinamikasını açıqlamayıb.

5 BOKT-un ötənilki (xalis) mənfəəti 1,5 milyon manatdan çoxdur.

Azərbaycanda fəaliyyət göstərən 56 bank olmayan kredit təşkilatından (BOKT) 12-si ötən ili zərərlə başa vurub.

“Gold Finance”, “Nas Project”, “Azinvestkredit”, “Azpul”, “Union Kredit”, “Birkart”, “Azərbaycan Mikro-Kredit”, “İcraçı Kredit Agentliyi”, “Finex Kredit”, “Prior Credit”, “Kredaqro” və “Para” BOKT-lardır. Zərərin ən yüksək həddi “Para”da (5,414 milyon manat), zərərin ən aşağı həddi isə “Gold Finance”da (18 min manat) qeydə alınıb.

1 BOKT-un – “Aset Maliyyə Texnologiyaları”nın gəlirləri və xərcləri olmayıb.

33 BOKT isə müxtəlif məbləğlərdə (xalis) mənfəət əldə edib. Onlardan 5-də bu göstərici 1,5 milyon manatdan çox olub. Bunlar “Embafinans” (3,336 milyon manat), “M Bulak” (3,089 milyon manat), “FİNKA Azərrbaycan” (2,611 milyon manat), “PSG Finans” (1,975 milyon manat) və “City Finance” (1,701 milyon manat) BOKT-lardır.

Qalan 28 BOKT-dan 3-nün (xalis) mənfəəti 1-1,5 milyon manat arasında, 25 BOKT-un (xalis) mənfəəti isə 1 milyon manatdan azdır.

1 BOKT – “SF Azerbaijan” bazara bu il daxil olub, 9 BOKT – “Azəri Star Mikromaliyyə”, “Azfinans”, “Caspian Invest”, “Finans İnvest”, “Finkapital”, “Fintrend”, “FNC”, “Omni Finance” və “Pro Kredit” (xalis) mənfəətinin / zərərinin məbləğini açıqlamayıb. 

İllik 13.99%-dən 40 000 AZN-dək zaminsiz komissiyasız kredit!

© Renkinq