MİDA-nın xalis mənfəti kəskin azalıb

MİDA-nın xalis mənfəti kəskin azalıb

Azərbaycan Respublikasının Mənzil İnşaatı Dövlət Agentliyi (MİDA) 2021-ci ili 1 milyon 509 min manat xalis mənfəət ilə başa vurub.

Marja xəbər verir ki, Agentlik 2020-ci ili 5 milyon 224 min manat xalis mənfəət ilə bağlamışdı.

VTB-də yüksək depozit faizləri daha çox qazandırır

Beləliklə, Mənzil İnşaatı Dövlət Agentliyinin xalis mənfəəti 2020-ci illə müqayisədə 2021-ci ildə 3,5 dəfə azalıb.

Xalis mənfəətin azalması kreditlərin ədalətli dəyəri üzrə zərərin və maliyyə aktivləri üzrə xalis dəyərsizləşmə zərərinin artması ilə əlaqədardır.

2020-ci ildə olduğu kimi, 2021-ci ildə MİDA 2,1 milyon manat dövlət yardımı alıb. Ötən il Agentliyin maliyyə gəlirləri 10 milyon 176 min manat təşkil edib. 2020-ci ildə maliyyə gəlirləri 10 milyon 76 min manat olmuşdu.

Mənzil İnşaatı Dövlət Agentliyinin əsas məqsədi Azərbaycan Respublikası vətəndaşlarının güzəştlə mənzil əldə etmələrinə (uyğun qiymətə mənzil təminatına) şərait yaratmaq üçün onun sərəncamına verilmiş torpaq sahələrində müasir memarlıq üslubunda ekoloji və enerji səmərəliliyi tələblərinə cavab verən yaşayış binalarının və digər tikinti obyektlərinin tikintisini təşkil etmək, habelə həmin torpaq sahələrindəərazi planlaşdırılması, layihələndirmə və memarlıq sahələrində siyasətin həyata keçirilməsində iştirak etmək və fəaliyyəti əlaqələndirməkdir. Agentlik “Azərbaycan Respublikasının Prezidenti yanında Mənzil İnşaatı Dövlət Agentliyinin yaradılması və fəaliyyətinin təşkili haqqında” Azərbaycan Respublikası Prezidentinin 2016-cı il 11 aprel tarixli 858 nömrəli Fərmanı ilə yaradılaraq, tabeliyində olan “MİDA” MMC ilə birlikdə Azərbaycan Respublikası ərazisində fəaliyyətə başlamışdır.

07.09.2022 17:12

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az