"Cahan Motors" şirkətinin satış departamentinin rəhbəri Fərhad Hüseynov ilə müsahibə.

Doğüm tarixi: 1992 ci il

Avtomobil sektorunda fəaliyyəti müddəti: 2015 ci ildən

Satışını həyata keçirdiyi Çin brendləri: CHANGAN, BAİC, GAC, JAC ( 2015-2020), MG, GEELY, ZX AUTO ( 2015)

Hal-hazırda satışını həyata keçirdiyi markalar: FAW ( BESTUNE VƏ HONGQİ), ZX AUTO, LİFAN ( 2020-dən bu günə kimi )

- Bildiyimiz kimi siz Çin avtomobil bazarı üzrə barmaqla sayılası mütəxəsislərdənsiniz. Hal-hazırda bu qədər Çin markasının Azərbaycanda satılması yerli avtomobil bazarına nələri vəd edir?

-Hazırda bu qədər Çin markasının Azərbaycan bazarında olması Çin avtomobilləri üçün böyük təkandı. Çünki bu brendlər bazar payının artıq 35 faizini əhatə edir. Bu gün demək olarki hər bir avto salon, diler bir Çin avtomobil markası idxal edir. Sadəcə bir nüans var. Hal hazırda bazarda olan Çin markaları əsasən 2020 ci ildən ölkəmizdə fəaliyyətə başlayıb. Belə olan halda məlum olur ki, əksər dilerlərin nümayəndələri Çində bu istehsalçıların zavodlarında olmayıb və marka ilə, zavodun istehsal prosesi ilə yaxından tanış olmayıblar. Bu isə onlar üçün neqativ haldır. Hətta bəzi dilerlərin satış təmsilçiləri nəinki özləri, sifarişi verən rəhbər şəxsləri zavodu görmədən digər markaları açıq aşkar pisləyirlər. Bu isə rəqabət etiketi baxımından çox mənfi haldır. Hətta bir çoxları marka haqda şişirdilmiş məlumatları belə təqdim etməkdən çəkinmirlər.

Digər problemli məsələ isə markaların servisləri ilə bağlıdır. Bir çox markaya görə keyfiyyətli servis xidməti təşkil edən markalarında adına söz gəlir. Məsələ burasındadır ki, bir çox şirkətlərdə ehtiyyat hissələri tapılmır, bəzi şirkətlər isə Çinin özündə belə təqdim edilməyən şişirdilmiş zəmanət verirlər. Bu isə yekunda Çin markalarının adına mənfi təsirini göstərir.

- Rəqabət dahada güclənir, bu sizə çətinlik yaratmırki?

- Rəqabət gözəldi. Lakin düzgün rəqabət. Rəqabət şirkətləri daha da aktiv olmağa vadar edir. Bu müsbət haldır.

- Hal hazırda satışılarını həyata keçirdiyiniz markaya rəqib kimləri görürsünüz?

-Hal hazırda bizim təqdim etdiyimiz premium klas avtomobil olan HongQi üçün rəqib demək olar yoxdu.

-Niyə bütün avtomobil idxalçıları Çin markalarına meyl edir?

- Qeyd etdiyim kimi hamı Çin markası idxal etməyə çalışır. Bu isə əslində elədə müsbət hal deyil. Çünki Çin bazarı, Çin zavodları tam fərqli məcrada fəaliyyət göstərir. Mənim özümün 7 illik təcrübəm olduğu üçün Çin zavodları, markaları ilə işləməkdə çətinlik çəkmirəm. Amma təəssüflər olsun indi işi bilən də, bilməyən də Çindən maşın gətirir. Mən deyərdim ki, yekunda 15 brenddən 5 və ya 6-ı bazarda qalacaq.

- Müsahibəyə görə, təşəkkür edirəm.

-Sağ olun.