Avropa Mərkəzi Bankı (AMB, ECB) 3 həftə ərzində irimiqyaslı aktiv alışı proqramını bitirəcək.

Marja.az xəbər verir ki, gözlənildiyi kimi ECB kimi əsas faiz dərəcəsini 0 faiz, marjinal maliyyələşdirmə imkanını 0,25 faiz və depozit faizini mənfi 0,50 faiz səviyyəsində saxlayıb.

Bank 2015-ci ildə başlayan aktiv alışı proqramını iyulun 1-də bitirəcəyini, iyul ayında faiz dərəcələrini 0,25 bənd artırmaq niyyətində olduğunu açıqlayıb. Sentyabrda da artım gözlənilir.

Açıqlamada inflyasiya proqnozunun pisləşəcəyi təqdirdə sentyabrda daha böyük addım atmağın mümkün olduğu, sentyabrdan sonra da “tədrici, lakin davamlı” faiz artımının olacağı bildirilib. İnflyasiyada orta müddətli 2 faizlik hədəfə çatmaq üçün həyata keçiriləcək pul siyasətinin gələcək məlumatlardan asılı olacağı bildirilib.

İnflyasiya proqnozlarına yenilənib

Bank bu il və gələn il üçün inflyasiya proqnozlarını da artırıb. Müvafiq olaraq, 2022-ci il üçün inflyasiya proqnozu 5,1 faizdən 6,8 faizə, 2023-cü il üçün proqnoz 2,1 faizdən 3,5 faizə, 2024-cü il üçün proqnoz isə 1,9 faizdən 2,1 faizə yüksəldilib.

Bank bugünkü qərarla rekord inflyasiya ilə mübarizə aparmaq üçün on ildən artıq müddətdə ilk dəfə faiz artırılmasına doğru mühüm addım atıb. Avrozonada illik inflyasiya may ayında rekord olmaqla 8,1 faizə çatmışdı.

Qərardan sonra avro dollar qarşısında 0,6% ucuzlaşaraq 1,0651 dollara düşüb (Saat 18:17-yə olan məlumat).

Laqard: İnflyasiya arzuolunmaz dərəcədə yüksəkdir

Qərardan sonra mətbuat konfransında danışan Bankın sədri Kristin Laqard qərarın yekdilliklə qəbul edildiyini bildirib. Laqard inflyasiyanın arzuolunmaz dərəcədə yüksək olduğunu və bir müddət yüksək qalacağını bildirib.

Laqardın bəyanatında diqqət çəkən məqamlar bunlardır;

- Rusiyanın Ukraynaya müdaxiləsi iqtisadiyyatlara təzyiq göstərib, enerji və xammal qiymətlərinin artmasına səbəb olub. Yenə də iqtisadiyyatın böyüməsini davam etdirməyə imkan verəcək şərtlər var.

- Biz pul siyasətini normallaşdırmaq üçün əlavə addımlar atmışıq. İyul ayında faizləri 0,25 bənd artırmaq niyyətindəyik. Sentyabr ayında da faiz dərəcələrini artırmaq niyyətindəyik. Faiz artımlarının həcmi orta müddətli inflyasiyanın proqnozundan asılı olacaq. Gözləntilər daha çox faiz artımının tələb olunacağıdır.

- Qlobal enerji qiymətləri qısa müddətdə yüksək olaraq qalacaq.

- Qiymət artımları daha çox sənaye sahələrinə yayılır. Müharibə böyümə üçün ciddi bir mənfi riskdir.

- İnflyasiya riskləri əsasən yüksəliş istiqamətindədir. Maliyyə sabitliyi mühiti pisləşdi.

-Mövcud vasitələrdən istifadə edəcəyik, lazım gələrsə, yeni alət ola bilər.