“ADY Konteyner”: "Bu il Orta Dəhlizlə Çin-Avropa istiqamətində daşımaların 3 dəfə artmasını gözləyirik"

“ADY Konteyner”: "Bu il Orta Dəhlizlə Çin-Avropa istiqamətində daşımaların 3 dəfə artmasını gözləyirik"

“ADY Konteyner”: "Bu il Orta Dəhlizlə Çin-Avropa istiqamətində daşımaların 3 dəfə artmasını gözləyirik"

Bu ilin ilk 4 ayında Orta Dəhliz vasitəsi ilə 8 696 TEU konteyneri daşınıb.

Bunu “Railfreight” portalına müsahibəsində “ADY Konteyner” MMC-nin direktoru Natiq Cəfərov deyib.

VTB-də yüksək depozit faizləri daha çox qazandırır

Onun sözlərinə görə, bu, ötən ilin eyni dövrü ilə müqayisədə 30 % çoxdur: “Bununla belə, qeyd etmək lazımdır ki, bu artım, real artımdır və geosiyasi vəziyyətin dəyişməsi ilə əlaqədar Çin-Avropa istiqamətində daxil olan sifarişləri əhatə etmir. Bu il 1 000 qatarın daşınması üçün sifarişlər almışıq və bu ilin sonuna, 2021-ci ilə nisbətən 3 dəfə, hətta daha çox böyümə gözləyirik”.

N. Cəfərov bildirib ki, Orta dəhlizdən başqa, Azərbaycan ərazisindən tranzit keçən konteyner daşımaları 130 % artıb: "Qısamüddətli inkişafa gəlincə, geosiyasi vəziyyətlə əlaqədar Avrasiya regionundakı dəyişən geoiqtisadi ssenarilərin və logistik mənzərənin hamımız fərqindəyik.

Orta dəhlizdə daşımaların gözlənilən dəfələrlə artması ilə bağlı Qazaxıstanlı tərəfdaşlarımızla eyni fikri bölüşürük. "Qazaxıstan Dəmir Yolları"nın məlumatına görə, konteyner daşımalarındakı artımın 50 min TEU-ya bərabər olacağı gözlənilir. Fikrimcə, müsbət tendensiyaya baxsaq, qazaxıstanlı tərəfdaşlarımızın ifadə etdiyi rəqəmlər olduqca realdır”.

“ADY Konteyner”in direktoru vurğulayıb ki, Orta dəhlizin Xəzər dənizindən keçən hissəsində nəqliyyat əlaqələrini gücləndirmək üçün limanlar arasında fəaliyyət göstərən fider gəmilərin sayı artırılıb.

Onun sözlərinə görə, “ADY Konteyner” bu gəmilərin ko-operatorudur: “Yüklərin həcmi artdıqca biz əlavə gəmilər cəlb etməyi planlaşdırırıq. Biz Azərbaycan ərazisindən çox-çox kənarda yeni xidmətə başlamışıq- Gürcüstanın Poti və Batumi limanları ilə Rumıniyanın Konstansa limanı arasında fider gəmisi üzməyə başlayıb. Mayın 24-də 220 TEU tutumlu ilk fider gəmisi Potidən Konstansaya üzdü və müntəzəm olaraq fəaliyyət göstərəcək. Həcm artacağı təqdirdə, daha çox fider gəmiləri cəlb etməyə hazırıq”.

30.05.2022 16:17

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az