Nazir müavini daşıyıcı şirkətlərə müraciət edib

Nazir müavini daşıyıcı şirkətlərə müraciət edib

Nazir müavini daşıyıcı şirkətlərə müraciət edib

Şuşa və Ağdamla yanaşı azad edilmiş digər ərazilərə də oxşar reyslərin təşkili nəzərdə tutulub və bu istiqamətdə hazırda işlər davam etdirilir.

Bunu müsahibəsində rəqəmsal inkişaf və nəqliyyat nazirinin müavini Rəhman Hümmətov ölkədə nəqliyyat sahəsində aparılan işlər, mövcud çətinliklərin həlli istiqamətində həyata keçirilən tədbirlər barədə danışarkən bildirib.

Nazir müavini həmin müsabiqədə aktiv iştirak etmək üçün daşıyıcı şirkətlərə müraciət edib:

“Dövlət Avtomobil Nəqliyyatı Xidməti artıq Bakı – Füzuli – Bakı şəhərlərarası müntəzəm avtobus marşrutunu müsabiqəyə çıxarıb. Bundan əlavə, işğaldan azad edilmiş ərazilərin nəqliyyat inteqrasiyasını təmin etmək üçün əlaqələndirici marşrutlar üzrə müsabiqələrin keçirilməsi nəzərdə tutulub. Belə ki, Əhmədbəylidən keçməklə Bakı – Horadiz marşrutu da müsabiqəyə çıxarılıb. Bilirsiniz ki, Əhmədbəyli – Şuşa marşrutu fəaliyyət göstərir".

R. Hümmətov qeyd edib ki, ilkin olaraq daşımaların və sərnişinlərin təhlükəsizliyi, infrastruktur nəzərə alınmaqla ən çox ehtiyac duyulan istiqamətlər üzrə müntəzəm avtobus marşrutlarının yaradılması məqsədəuyğun hesab edilib: "İşğaldan azad edilmiş ərazilərə sərnişindaşıma fəaliyyəti genişləndiriləcək, gələcəkdə yaranacaq tələbata uyğun olaraq digər istiqamətlər üzrə də mərhələli şəkildə təmin ediləcək.

Fürsətdən istifadə edərək daşıyıcıları elan olunmuş müsabiqələrdə aktiv iştirak etməyə dəvət edirəm. Daşıyıcılara yardım üçün Dövlət Avtomobil Nəqliyyatı Xidmətində “Daşıyıcı bələdçisi” xidməti də yaradılıb”.

Qeyd edək ki, bu il yanvarın 24-dən etibarən Ağdam və Şuşaya müntəzəm avtobus reysləri təşkil edilib. Bu vaxta qədər bu reyslər vasitəsi ilə 5 000-dən artıq şəxs həmin ərazilərə səfər edib.

KREDİTİ ONLAYN əldə et – 20 000 AZN-dək, 0% komissiya

“Report”

29.04.2022 13:55

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az