“Unibank” ASC 2022-ci ilin ilk rübü üzrə maliyyə göstəricilərini açıqlayıb.

GƏLİRLƏRİ ARTIB

Marja.az xəbər verir ki, 2021-ci ilin ilk rübündə “Unibank”ın faiz gəlirləri 25 milyon 840 min manat ikən, 2022-ci ilin ilk rübündə  37 milyon 307 min manat təşkil edib (11 milyon 467 min manat və ya  44,4% artıb). Bankın qeyri-faiz gəlirləri isə 7 milyon 71 minmanatdan 10 milyon 622 min manata yüksəlib ( 3 milyon 551 min manat və ya 50,2 % artıb ).

ƏMƏLİYYATI MƏNFƏƏTLİDİR

2022-ci ilin yanvar-mart dövründə “Unibank”ın cəmi əməliyyat gəlirləri (faiz və qeyri-faiz gəlirləri) 47 milyon 929 min manat, cəmi əməliyyat xərcləri (faiz və qeyri-faiz xərcləri) 43 milyon 806 min manat, gəlirlər xərcləri üstələdiyindən əməliyyat mənfəəti 4 milyon 123 min manat təşkil edib. Bank mümkün zərərlər üçün yaradılan məqsədli ehtiyatlara 8 milyon 267 min manat ayırdığından ilk rübü 4 milyon 143 min manat xalis zərər ilə bağlayıb.

Müqayisə üçün qeyd edək ki, 2021-ci ilin yanvar-mart dövründə “Unibank”ın cəmi əməliyyat gəlirləri 32 milyon 911 min manat, cəmi əməliyyat xərcləri 28 milyon 794 min manat, gəlirlər xərcləri üstələdiyindən əməliyyat mənfəəti 4 milyon 117 min manat təşkil etmişdi. Bank mümkün zərərlər üçün yaradılan məqsədli ehtiyatlara 3 milyon 525 min manat ayırdığından ötən ilin ilk rübünü 592 min manat xalis mənfəət ilə başa vurmuşdu.

BANK BÖYÜYÜB, MÜŞTƏRİLƏRƏ VERİLƏN KREDİTLƏR ARTIB

Ötən ilin sonu ilə müqayisədə  ilk rüb ərzində "Unibank" tərəfindən müştərilərə verilmiş cəmi kreditlər 45 milyon 392 min manat və ya 6,1% artaraq 31 Mart 2022-ci il tarixində 784 milyon 632 min manata çatıb. Bankın aktivləri isə ötən ilin sonundakı 1 milyard 39 milyon manatdan 1 milyard 75 min manata yüksəlib.

İlk 3 ay ərzində “Unibank”ın istehlak kreditləri portfeli 30 milyon 399 min manat artaraq 465 milyon 586 min manata, biznes kreditləri portfeli 13 milyon 248 min manat artaraq 255 milyon 666 min manata, ipoteka kreditləri portfeli isə 1 milyon 745 min manat artaraq 63 milyon 379 min manata yüksəlib.

BANKDA ƏHALİNİN ƏMANƏTLƏRİ ARTIB

Ötən ilin sonu ilə müqayisədə Unibankın depozit portfeli 11 milyon 421 min manat və ya 1,6% artaraq 714 milyon 957 min manata, o cümlədən fiziki şəxslərin depozitləri (əmanətləri) 12 milyon 816 min manat artaraq 584 milyon 72 min manata çatıb.

MƏCMU KAPİTALI 100 MİLYON MANATDAN ÇOXDUR

31 Mart 2022-ci il tarixində "Unibank" 102 milyon 330 min manat məcmu kapitala malik olub