“Hyundai Motor” məşhur “Auto Build” jurnalının 2016-cı il buraxılışı üzrə keyfiyyət reytinqində birinci yeri tutub.

“Marja” xəbər verir ki, avtomobil sənayesinin ən nüfuzlu müsabiqələrindən biri üzrə bu qələbə, Hyundai-ın son yeddi il ərzində əldə etdiyi üçüncü belə uğurudur. Daha öncə Hyundai avtomobilləri “Auto Build” jurnalının 2010 və 2011-ci illəri üzrə etibarlılıq reytinqdə ən yaxşılar sırasında idi.

Hər il “Auto Bild” jurnalı müştərilərin rəyləri və sorğuları əsasında, eləcə də avtomobillərin kompleks sınaqdan keçirilməsilə keyfiyyət və etibarlılıq qiymətləndirmələrini həyata keçirir.

“Hyundai Motor”un “Auto Build” üzrə ümumi balı 5 baldan 2.14-dür. Bu çox yaxşı göstəricidir. Hyundai Motor ötən illə müqayisədə üçüncü yerdən iki addım irəliləyərək, birinci pilləyə yüksəlmişdir.

Jurnal mütəxəssisləri avtomobillərin sınağı zamanı Hyundai modellərinin nəticələrinə heyran qalmışlar. Hyundai i30 modeli 100 000 km-dən artıq məsafə qət edən avtomobillər arasındakı keyfiyyətə görə "1"-ci pilləyə yüksələrək, “Auto Build” reytinqlərinin bütün tarixi üzrə resurs sınaqları zamanı ən yaxşı avtomobilinə çevrilmişdir.

Almaniyada təşkil olunan avto sınaqların nəticələrinə əsasən,  Hyundai i30  yeganə nümunə deyil. “Auto Build”dəki qeydlərə əsasən: "Hyundai son illər ərzində keyfiyyətin yüksəldilməsi ilə fəxr edə bilər. Şirkət avtomobillərinin müsbət imici heç bir nasazlıq olmadan 30.000 km məsafə qət edən i10 və Tucson modellərinin nəticələrini təsdiq edir".

"Keyfiyyət, Hyundai brendinin strategiyasının başlıca elementidir. Hyundai-ın, “Auto Build” jurnalının keyfiyyət göstəriciləri üzrə birinci pilləyə yüksəlməsi, “Hyundai Motor”un təcrübə və texniki səviyyəsinin bariz nümunəsidir. Bu bizim 2020-ci ilədək Avropa qitəsi üzrə aparıcı brendə çevrilmək təşəbbüsümüzlə bağlı nailiyyətlərimizi əks etdirir" - deyə “Hyundai Motor Avropa”nın texniki direktoru Tomas Şmidt qeyd edib.

“Auto Bild” 2001-ci ildən etibarən aparıcı avtomobil brendlərinin keyfiyyət və etibarlılıq reytinqini tərtib edir. Qiymətləndirmənin önəmli elementlərindən biri müştəri məmnuniyyətidir. Jurnal rəylərini təqdim edən bütün şirkətlərin fikirlərini və il ərzində təmir olunan avtomobilləri, eləcə də nəqliyyat vasitələrinin ümumi yoxlanışı üzrə qanunvericiliyə cavabdeh olan Almaniya Texniki nəzarət bürosunun hesabatının nəticələrini qiymətləndirir. Yekun reytinq zamanı “Auto Build” məlumat bazası əsasında 100 000 km yürüş etmiş avtomobillərin sınaqlarının göstəricilərini, eləcə də zavod sınaqlarının nəticələrini nəzərə alınır. Reytinqin tərtibi zamanı avtomobillərin sahiblərinin məmnunluq səviyyəsini nümayiş etdirən və mümkün nasazlıq göstəricilərini əks etdirən fikirlərinin sayı da nəzərə alınır. Müştəri məmnunluğu “Forsa” ictimai fikir araşdırmaları institutunun 8575 avtomobil sahibinin sorğusuna əsasən qiymətləndirilib. Nəhayət  “Auto Build”, istehsalçıların yeni avtomobilləri üzrə zəmanət dövrünü  qiymətləndirir.