"Ukraynanın işğalı Rusiyanı “dəhşətli bataqlığa” sürükləyəcək"

"Ukraynanın işğalı Rusiyanı “dəhşətli bataqlığa” sürükləyəcək"

Britaniya Xarici İşlər Nazirliyi Rusiyaya Ukraynada “yeni Çeçenistan” olacağını proqnozlaşdırıb

"Ukraynanın işğalı Rusiyanı “dəhşətli bataqlığa” sürükləyəcək"

Böyük Britaniyanın xarici işlər naziri Liz Truss deyir ki, Ukraynanın işğalı Rusiyanı Əfqanıstanda və ya Çeçenistanda olduğu kimi ilişib qalacağı “dəhşətli bataqlığa” sürükləyəcək.

Truss deyib ki, Kreml "tarix dərslərini öyrənməyib".

Nazirin sözlərinə görə, hərbi əməliyyat başlasa, bu, Rusiya prezidenti Vladimir Putinin "böyük strateji səhvi" olacaq və onun nəticəsi miqyasına görə Sovet qoşunlarının Əfqanıstana müdaxiləsi qurbanlarının sayı ilə müqayisə edilə bilən insan itkisi olacaq.

“Müttəfiqlərlə birlikdə biz Ukraynanı dəstəkləməyə davam edəcəyik və Rusiyanı gərginliyi azaltmağa və substantiv danışıqlara başlamağa çağıracağıq. Avropada baş verənlər bütün dünya üçün önəmlidir”, - deyə Trussun sözlərini “The Guardian” sitat gətirib.

Britaniyalı nazirin sözlərinə görə, Ukrayna ilə bağlı hazırkı böhran dünyada liberal ölkələr və avtokratiyalar arasında daha böyük münaqişənin bir hissəsidir.

Avtoritar rejimlər “soyuq müharibədən bəri görmədiyimiz üsullarla cəsarətləniblər”, -Truss deyib və əlavə edib: “Onlar bütün dünyaya diktatura ixrac etmək istəyirlər. Ona görə də Belarus, Şimali Koreya və Myanma kimi rejimlər Moskva və Pekinin ən yaxın müttəfiqlərinə çevrilirlər”.

Trussun bəyanatları Cenevrədə ABŞ Dövlət Departamentinin rəhbəri Entoni Blinkenlə Rusiyanın xarici işlər naziri Sergey Lavrov arasında danışıqların başlamasına saatlar qalmış verilib.

Xatırlayırıq ki, Moskva NATO-dan Gürcüstan və Ukraynanı öz tərkibinə qəbul etməkdən imtina etməyi, həmçinin 1997-ci ildən sonra bloka üzv olan ölkələrdən qoşunları çıxarmağı tələb edir.

21.01.2022 14:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az