Vergi orqanlarına işə qəbulda test imtahanından azad edilənlərin əhatə dairəsi genişləndirilib

Vergi orqanlarına işə qəbulda test imtahanından azad edilənlərin əhatə dairəsi genişləndirilib

Vergi orqanlarına işə qəbulda test imtahanından azad edilənlərin əhatə dairəsi genişləndirilib

Dövlət vergi orqanlarına işə qəbul zamanı müsabiqənin test imtahanı mərhələsindən azad edilənlər əhatə dairəsi genişləndirilib.

Bu, Prezident İlham Əliyevin imzaladığı fərmanla

VTB-də yüksək depozit faizləri daha çox qazandırır

“Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə”yə edilən dəyişiklikdə əksini tapıb.

Bundan əvvəl qüvvədə olan Əsasnaməyə görə, müvafiq ixtisas üzrə elmi dərəcəsi olan şəxslər, ali təhsili fərqlənmə diplomu ilə bitirmiş şəxslər, yüksək peşə hazırlığına və ya iş təcrübəsinə malik şəxslər test imtahanlarından azad oluna bilərdilər və bu halda onlarla müsahibə aparılırdı.

Dəyişikliyə əsasən isə aşağıda göstərilən namizədlər müsabiqənin test imtahanı mərhələsindən azad edilirlər:

- maliyyə, büdcə və iqtisadi sahələrdə dövlət siyasətini və tənzimləməsini həyata keçirən dövlət orqanlarında inzibati vəzifə tutan dövlət qulluqçuları;

- prokurorluq orqanlarında və hüquq mühafizə orqanlarında xüsusi və ya hərbi rütbə nəzərdə tutulan vəzifələrdə xidmət edən şəxslər;

- əvvəllər dövlət vergi orqanlarında xidmət etmiş (xidməti intizamı bir dəfə kobud şəkildə pozması və ya xidməti vəzifələrini müntəzəm surətdə yerinə yetirməməsi səbəbindən vergi orqanlarında xidmətinə xitam verilmiş şəxslər istisna olmaqla) şəxslər; - ali təhsil tələb olunmayan vəzifələrə qəbul olunmaq üçün müraciət edən şəxslər;

- iqtisadiyyat və ya hüquq sahəsində elmlər doktoru elmi dərəcəsi olan şəxslər;

- baş rəis heyəti üçün nəzərdə tutulan vəzifələrə qəbul olunmaq üçün müraciət edən şəxslər;

- Azərbaycan gənclərinin xarici ölkələrdə təhsili üzrə Azərbaycan Respublikası Prezidentinin təsdiq etdiyi dövlət proqramı çərçivəsində xarici ölkələrdə təhsil almış şəxslər.

19.12.2021 11:58

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az