Pakistan Əfqanıstana 30 milyon dollar humanitar yardım ayırıb

Pakistan Əfqanıstana 30 milyon dollar humanitar yardım ayırıb

Avqustda beynəlxalq qüvvələrin Əfqanıstandan çıxarılması ilə bu ölkəyə yardımlar dayanıb, əfqan xalqı humanitar böhranla üzləşib.

Bu barədə Pakistanın Azərbaycandakı səfiri Bilal Hayee deyib.

Pakistanlı diplomat bildirib ki, beynəlxalq hesabatlara görə, əgər beynəlxalq yardım olmazsa, Əfqanıstanı böyük iqtisadi böhran gözləyir: “Bu ölkədə əhalinin yarıdan çoxu aclıqla üz-üzədir. Qarşıdakı aylar çox vacibdir. Əgər humanitar yardım olmazsa, bu ölkədən kütləvi miqrasiya başlaya bilər və ya çoxsaylı ölümlər ola bilər. Əgər əfqan xalqına beynəlxalq yardım olmazsa, indiyə qədər bu ölkədə müharibədə həlak olanlardan daha artıq insan öləcək. Ölkələr bu böhranın qarşısını almazsa, bu dünya üçün böhran olacaq”.

Səfir deyib ki, 19 dekabrda İslamabadda İslam Əməkdaşlıq Təşkilatına (İƏT) üzv dövlətlərin XİN başçılarının Əfqanıstandakı vəziyyətə dair fövqəladə iclası keçiriləcək: “Heç kim Əfqanıstandakı sistemi tanımaqdan danışmır, bizim diqqət ayırdığımız məsələ humanitar məsələdir, günahsız insanların həyatını xilas etməkdir. İslamabad bu iclasa ev sahibliyi edəcək. Bu ideya Səudiyyə Ərəbistanından gəlib. Çünki Pakistan Əfqanıstanla sərhəddir. Bu İƏT-in artıq 17-ci fövqəladə iclasıdır. İlk iclas da Əfqanıstanla bağlı idi. İllər keçib, amma biz yenə də Əfqanıstanı müzakirə edirik. Bu kollektiv məsuliyyətdir”.

B. Hayee qeyd edib ki, Pakistan indiyədək Əfqanıstana 30 milyon dollar humanitar yardım ayırıb: “Bura ərzaq, dərmanlar ilkin ehtiyaclar daxildir. Həmçinin Pakistan humanitar yardımın göndərilməsi üçün dəhliz rolunu oynayır. Bu, tarixi görüşdür. Əsas məqsəd Əfqanıstandakı insanların həyatını xilas etməkdir. Biz Qərb ölkələrindən də eyni dəstəyi gözləyirik.

Ümid edirik ki, İƏT ölkələrinin XİN başçılarının iclasında ölkələr Əfqanıstandakı humanitar böhrana maliyyə dəstəyi ilə bağlı razılıq verəcəklər”.

Telegramda Marja.az səhifəsinə abunə olun

APA

16.12.2021 16:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az