Danışıqlar uğursuz olarsa, ABŞ İranın gəlirlərini məhdudlaşdırmaq üçün tədbirlər görəcək

Danışıqlar uğursuz olarsa, ABŞ İranın gəlirlərini məhdudlaşdırmaq üçün tədbirlər görəcək

Danışıqlar uğursuz olarsa, ABŞ İranın gəlirlərini məhdudlaşdırmaq üçün tədbirlər görəcək

Yaxın gələcəkdə Tehranın nüvə proqramı ilə bağlı diplomatik fəaliyyət uğursuz olarsa, ABŞ hakimiyyəti İranın gəlir mənbələrini məhdudlaşdırmağa yönəlmiş yeni tədbirlər görəcək.

Marja.az xəbər verir ki, bu barədə cümə axşamı Ağ Evin mətbuat katibi Cen Psaki bildirib.

VTB-də yüksək depozit faizləri daha çox qazandırır

O qeyd edib ki, ABŞ prezidenti Co Bayden hesab edir ki, diplomatiya nüvə böhranından qaçmağın ən yaxşı yoludur: "Bununla belə, İranın nüvə proqramındakı hazırkı irəliləyişləri nəzərə alaraq, Prezident öz köməkçilərinə diplomatiyanın nəticə verməyəcəyi vəziyyətdə başqa variantlara keçmək ehtimalına hazırlaşmağı tapşırıb. Bu, hazırlıq tələb edir”.

"Diplomatiya uğursuz olarsa və İran nüvə proqramı üzrə işləri sürətləndirməyə davam edərsə, biz İranın gəlir gətirən sektorlarına (iqtisadiyyatın) əlavə məhdudiyyətlər tətbiq etmək üçün tədbirlər görməkdən başqa çarəmiz qalmayacaq", - deyə Psaki vurğulayıb.

Ağ Evin sözçüsü əlavə təfərrüatları açıqlamaqdan imtina edib.

Onun sözlərinə görə, ABŞ Xəzinədarlığı rəsmiləri hökumət və biznes nümayəndələri ilə məsləhətləşmələr üçün gələn həftə Birləşmiş Ərəb Əmirliklərinə səfər etmək niyyətindədir. Psakinin sözlərinə görə, İranla ticarətlə bağlı məsələlərin müzakirəsi planlaşdırılır.

Cümə axşamı İranın nüvə sazişi üzrə danışıqların yeddinci raundu çərçivəsində daha bir görüş başa çatıb. Bu tur noyabrın 29-da başlayıb və dekabrın 3-də yekunlaşıb.

10.12.2021 08:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az