ÜST: "Omicron"un daha sürətli yayıldığına dair dəqiq dəlil yoxdur

ÜST: "Omicron"un daha sürətli yayıldığına dair dəqiq dəlil yoxdur

ÜST: "Omicron"un daha sürətli yayıldığına dair dəqiq dəlil yoxdur

Ümumdünya Səhiyyə Təşkilatı (ÜST), yeni növ koronavirusun (Covid-19) "Omicron" ştammının daha sürətli yayıldığına və "Delta" daxil olmaqla digər variantlar ilə müqayisədə daha şiddətli xəstəliyə səbəb olduğuna dair dəqiq bir dəlil olmadığını açıqlayıb.

Marja.az ÜST-ün yaydığı açıqlamaya istinadən xəbər verir ki, "Omicron" variantının ortaya çıxdığı Afrika qitəsinin cənubundakı ölkələrə səyahət qadağası tətbiq olunması tənqid olunub.

VTB-də yüksək depozit faizləri daha çox qazandırır

Açıqlamada, "Artan sayda ölkələr, yeni "Omicron" variantı ilə əlaqədar narahatlıqlar səbəbilə cənubi Afrika ölkələrinə uçuş qadağaları tətbiq edərkən, ÜST ölkələri elmi və Beynəlxalq Səhiyyə Tənzimləmələrini izləməyə dəvət edir" deyilir.

ÜST, səyahət məhdudiyyətlərinin, Afrika ölkələrində dolanışıq mənbələri və tədarük zəncirləri mövzusunda mənfi təsir yarada biləcəyilə əlaqədar olaraq sərhədlərin bağlanılmaması çağırışını edib.

"Omicron"un "Delta" daxil digər variantlar ilə müqayisədə daha yoluxucu olub olmadığının və birşəxsdən digər şəxsə daha asan yayılıb yayılmadığının dəqiq olmadığı vurğulanan açıqlamada, bununla birlikdə Afrikanın cənubundakı ölkələrdə Covid-19 testi müsbət çıxan insanların sayının artdığına diqqət çəkilib. Açıqlamada, bu vəziyyətin "Omicrondan"mı yoxsa digər faktorlardan qaynaqlandığını anlamaq üçünaraşdırmaların davam etdiyi qeyd edilib.

ÜST, "Omicron"un, Covid-19-un digər variantları ilə müqayisədə daha şiddətli xəstəliyə səbəb olub olmadığının hələ dəqiq olmadığını bildirib.

Qeyd edək ki, Türkiyə, İngiltərə, ABŞ, Kanada, Almaniya, Yaponiya və Birləşmiş Ərəb Əmrliklərinin də olduğu çoxlu sayda ölkə, 25 Noyabrda "Omicron" variantının aşkar edilməsinin ardından Cənubi Afrika Respublikası başda olmaqla bəzi Afrika ölkələrinə səyahət məhdudiyyətləri tətbiq ediblər.

29.11.2021 10:23

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az