"Bu dərman vəziyyəti dəyişəcək və milyonlarla insanın həyatını xilas edəcək"

"Bu dərman vəziyyəti dəyişəcək və milyonlarla insanın həyatını xilas edəcək"

"Bu dərman vəziyyəti dəyişəcək və milyonlarla insanın həyatını xilas edəcək"

Xəbər verdiyimiz kimi Amerikanın iri əczaçılıq şirkəti Pfizer (koronavirusa qarşı ən kütləvi peyvəndin yaradıcısı) pandemiya ilə mübarizə taktikasını potensial olaraq dəyişdirə biləcək bir Covid-19 dərmanı hazırladığını elan edib.

Marja.az-ın məlumatına görə, cümə günü şirkət bildirib ki, virusun çoxalma qabiliyyətinə birbaşa təsir edən dərman klinik sınaqlarda ölüm və xəstəxanaya yerləşdirilmə hallarının azaldılmasında 89% effektivlik göstərib.

VTB-də minimal faiz dərəcəsi ilə nağd kredit 10.49%-dən

Sınaq zamanı, Covid-19 PCR testi müsbət çıxan 1412 nəfərdən 607-si dərman qəbul edib. Onlardan heç biri ölməyib və yalnız altı nəfər xəstəxanaya yerləşdirilib. 612 nəfərlik plasebo qrupunda isə 10 ölüm və 41 xəstəxanaya yerləşdirmə hadisəsi qeydə alınıb.

Pfizer-in baş direktoru Albert Burla CNBC-yə bildirib ki, "Çox yüksək səmərəlilikdir, hətta bizim üçün sürpriz oldu və ən "vəhşi" gözləntilərimizi aşdı".

“Düşünürəm ki, bu dərman vəziyyəti dəyişəcək və milyonlarla insanın həyatını xilas edəcək. Onun bunun üçün potensialı var”, - deyən Baş direktor əlavə edib ki, hazırda şirkətdə 500 milyon hazır dərman var, bu da 50 milyon insanın müalicə kursuna bərabərdir.

Pfizer-in verdiyi açıqlamada, dərmanın PAXLOVID markası altında qeydə alındığını bildirib.

Dərmanın bu ilin sonuna kimi amerikalılara təqdim ediləcəyi gözlənilir. Beş gün ərzində hər 12 saatda bir tablet qəbul edilməlidir.

PAXLOVID virusun insan hüceyrəsində çoxalması lazım olan fermenti ləngidir.

Oktyabrın əvvəlində Amerikanın Merck şirkəti Covid-19 üçün dərman yaratdığını elan edib, lakin onun həbinin effektivliyi 50% idi. Dərmanı qəbul edənlərin 7,3%-i xəstəxanaya yerləşdirilib və ya dünyasını dəyişib.

Noyabrın 4-də İngiltərə Dərman Bazarını Tənzimləmə Agentliyi Merck-in Molnupiravir adlı dərmanının yüngül və orta dərəcədə Covid-19 vəziyyətləri üçün təsdiqləyib.