Palçıq vulkanları ərazisində turizm infrastrukturu yaradılır - 6,6 MİLYON MANATLIQ MÜQAVİLƏ

Palçıq vulkanları ərazisində turizm infrastrukturu yaradılır - 6,6 MİLYON MANATLIQ MÜQAVİLƏ

Palçıq vulkanları ərazisində turizm infrastrukturu yaradılır - 6,6 MİLYON MANATLIQ MÜQAVİLƏ

Dövlət Turizm Agentliyi "Abşeron rayonunda yerləşən palçıq vulkanları ərazisində turizm infrastrukturunun yaradılması işlərinin satın alınması" üçün keçirdiyi tenderi yekunlaşdırıb.

Marja xəbər verir ki, qalib şirkət, Bakı Abadlıq Xidməti MMC-dir.

Dövlət Turizm Agentliyi qalib şirkət ilə məbləği 6 milyon 628 min manat olan müqavilə imzalayıb.

Aprelin 22-də Abşeron rayonunun Qobustan kəndinin ərazisində Palçıq Vulkanları Turizm Kompleksinin təməli qoyulub. Palçıq Vulkanları Turizm Kompleksi Bakıdan 59 kilometr cənub-qərbdə, Qobustan qəsəbəsindən təxminən 17 kilometr şimal-qərbdə, Şamaxı istiqamətinə gedən əsas yolun üstündə dəniz səviyyəsindən 235 metr hündürlükdə yerləşən ərazidə yaradılacaq. Bura “Qılınc” palçıq vulkanlarının ərazisi kimi tanınır. Bu yerin turizm imkanları qiymətləndirildikdən sonra burada turizm kompleksinin yaradılması qərara alınıb.

Sahəsi 12 hektar olan kompleksdə kvadrotsikl ərazisi, piyada yürüş yolları, zipline və baxış qülləsi, avtodayanacaq, suvenir dükanı, eləcə də müalicəvi vannalar nəzərdə tutulur.

Əraziyə gedən yol infrastrukturunun qurulması üçün Qobustan qoruğundan “Qılınc” və ətraf ərazilərdəki vulkanlara gediş-gəlişi təmin edəcək, eləcə də Bakı-Qobustan-Palçıq vulkanları turizm klasterinin yaranması ilə nəticələnəcək 20 kilometrlik yolun çəkilişi planlaşdırılır.

“Qılınc” palçıq vulkanlarının yerləşdiyi ərazidə turizm kompleksinin yaradılmasının bir sıra üstünlükləri vardır. Yaxınlıqda yerləşən və dünyanın ən böyük vulkanlarından olan “Torağay”a və digər vulkanlara mənzərənin açılması, burada turistlərə gəzinti üçün əlverişli şərait yaradan 3 müxtəlif vulkan qrupunun olması, Qobustan qoruğunun yaxınlığında yerləşməsi kimi amillər buranın turistik önəmini daha da artırır.

02.11.2021 10:28