Rusiya dövləti yüksək inflyasiyaya görə əhaliyə kömək edəcək

Rusiya dövləti yüksək inflyasiyaya görə əhaliyə kömək edəcək

Rusiya Prezidenti Vladimir Putin, ölkə cəmiyyətinin çoxlu sayda ortaq çətinlik ilə qarşı-qarşıya olduğunu bildirərək, "Sabit inkişafı, əhalinin təbii artımını təhdid edən əsl düşmənimiz, vətəndaşlarımızın, milyonlarla insanımızın aşağı gəliridir" deyib.

Rusiya dövləti yüksək inflyasiyaya görə əhaliyə kömək edəcək

Rusiya Prezidenti Vladimir Putin, Dumaya seçkilərdən sonra ilk dəfə yeni millət vəkilləri ilə Kreml Sarayında görüşüb.

Marja xəbər verir ki, ölkə iqtisadiyyatını qiymətləndirən Putin, "İnflyasiya, bu il təxmin edilən 5,8% səviyyəsinin üzərində reallaşacaq. Yüksək inflyasiya, əhalinin ən yoxsul təbəqələrinə təsir edir. Bunu anlamalı, bilməli və buna görə reaksiya verməliyik" deyib.

Vətəndaşların inflyasiya qarşısında dəstəklənilməsi istiqamətində müxtəlif addımlar atılacağını qeyd edən Putin, "Hökumətə bir ay ərzində vətəndaşlarımıza dövlət dəstəyi tədbirlərinə dair əlavə təkliflər təqdim etməsi tapşırığını vermişəm" deyib.

Rusiyanın ən böyük problemlərindən birinin yoxsulluq olduğuna diqqəti çəkən Putin, bunları qeyd edib:

"Ölkəmiz, yəni bütün cəmiyyətimiz kompleks çətinliklərlə qarşı-qarşıyadır. Sabit inkişafı, əhalinin təbii artımını təhdid edən əsl düşmənimiz, vətəndaşlarımızın, milyonlarla insanımızın aşağı gəliridir. Əsl vəzifəmiz, vətəndaşların gəlirlərini artırmaq, ölkənin bütün bölgələrində məşğulluq yaratmaq, iqtisadiyyatı daha da böyütmək, yüksək texnologiyalı sənayeləri dəstəkləmək, kiçik müəssisələrin inkişafını məhdudlaşdıran maneələri qaldırmaq, beləcə insanlara mümkün olduğunca çox fürsət təqdim etməkdir".

Xəbər verdiymiz kimi, Rusiya Federasiyasının İqtisadi İnkişaf Nazirliyi 2021-ci ilin sonuna Rusiyada inflyasiya proqnozunu 5,8%-dən 7,4%-ə qaldırıb.

Həmçinin oxu

Rusiyada qiymətlər "od tutub yanır" - inflyasiya proqnozu artırıldı

13.10.2021 07:36

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az