Çinin Talibanla “qəribə” mehribanlığı və 3 trilyon dollar
Başıbəlalı ölkənin altı sərvətlə, üstü radikallarla doludur....ABŞ-ın 2001-ci ildə girdiyi Əfqanıstandan 20 il sonra tələm-tələsik çıxması və mövcud hökumətin Talibana təslim olmasından sonra son günlər dünyanın diqqəti bu ölkəyə yönəlib. Bir çox ölkələr mövcud durum və Taliban barədə ehtiyatlı çıxış etsələr də, bəziləri, o cümlədən Rusiya, xüsusən də Çin Talibanla “dostluq münasibətləri” barədə mesajlar verir.
Rusiyanın geostrateji maraqları və regionda təhlükəsizliyin təmin edilməsi prioritetləri, həmçinin Sovetlər İttifaqından qalma acı Əfqanıstan təcrübəsi aydındır. Marja Çinin Əfqanıstandakı yeni hakimiyyətlə dərhal əməkdaşlığa can atmasının səbəblərini araşdırmağa çalışıb.
Sərt iqliminə və münbit torpaqlarının məhdudluğuna baxmayaraq, Əfqanıstan hələ tam kəşf edilməmiş iri həcmdə mineral ehtiyatlara malikdir. AllianceBernstein analitika şirkəti bu ehtiyatları 1-2 trilyon dollar həcmində qiymətləndirir. Xəbər jurnalı “The Diplomat”-ın 2020-ci ildə dərc olunmuş məqaləsi Əfqanıstanın ABŞ-dakı keçmiş diplomatı Əhməd Şah Kətavəzai-yə istinadla bu rəqəmin 1-3 trilyon dollar, “The Hill” xəbər agentliyinin bu ilin aprelindəki “Nə üçün ABŞ Əfqanıstandan heç zaman çıxmayacaq” adlı məqaləsi isə 3 trilyon dollar olduğunu iddia edir.
Hansı metallardır onlar?
Bir sıra mənbələr Əfqanıstanda nadir metallardan olan lantan, serium, neodimium ehtiyatlarının, eləcə də iri həcmdə qızıl, gümüş, sink, alüminium, civə və litium-un olduğunu bildirir. Bu metallar smartfonlardan tutmuş lazer texnologiyalarına qədər müxtəlif sahələrdə istifadə olunur.
Çinin məsələyə dəxli nədir?
Çin hazırda nadir metalların dünyada həm ən böyük hasilatçısı, həm də təchizatçısıdır. ABŞ Geoloji Kəşfiyyat Xidmətinin hesablamalarına görə, dünyanın nadir metal ehtiyatlarının 35%-i Çinin payına düşür. 2018-ci ildə Çin 120 min metrik ton nadir metal hasil edib ki, bu da qlobal bazarın 70%-i deməkdir. Müqayisə üçün - ABŞ-ın həmin ildəki hasilatı cəmi 15 min metrik ton olub. 2019-cu ildə ABŞ-ın bu metallara tələbatının 80%-ni Çin ödəyib.
Çin hakimiyyəti Talibanla dil taparaq, Əfqanıstandakı nadir metalların hasilatına iri həcmli investisiya yatırmaqda qərarlıdır. Təsadüfi deyil ki, hələ iyulun sonlarında, ABŞ Əfqanıstandan çıxmaq prosesinə yenicə start verəndə Çinin xarici işlər naziri Vanq Yi Taliban Siyasi Komitəsinin rəhbəri Molla Abdul qani Bəradərlə Tianşində geniş tərkibli görüş keçirib. Taliban 2 gün öncə Kabilə daxil olduqdan bir neçə saat sonra isə Çin hökumət sözçüləri “Əfqanıstanla dostluq şəraitində əməkdaşlığa hazır olduqlarını” açıqladılar.
Növbəti mərhələdə Əfqanıstanda yeni siyasi-iqtisadi nüfuz savaşının şahidi olacağıq. Bu savaşda əsas iştirakçılardan birinin Çin olacağı şübhəsizdir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
14 d. əvvəl
Hotellərin Yeni il proqramları və qiymətləri - 810 manatdan...
-
30 d. əvvəl
Ədliyyə işçilərinə özəl fürsət – AFB Bank-dan daha sərfəli kredit şərtləri ®
-
39 d. əvvəl
Azərbaycan Prezidentinin Vyetnamın Baş naziri ilə görüşü olub
-
42 d. əvvəl
Van Qoqun tablosu 190 milyon 400 min dollara satılıb – hərrac rekordu yenilənib
-
48 d. əvvəl
Qızıl bir həftədə 9 faiz ucuzlaşıb – Unsiyası 3 min 516 dollara düşüb
-
1 saat əvvəl
Əmək və Əhalinin Sosial Müdafiəsi Nazirliyi “Araz” supermarketlər şəbəkəsini mükafatlandırıb
- 1 saat əvvəl
- 1 saat əvvəl
-
2 saat əvvəl
Anthropic IPO rekordunu qırdı – Nasdaq debütünü 1,8 trilyon dollarlıq qiymətləndirmə ilə başa vurdu
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Hotellərin Yeni il proqramları və qiymətləri - 810 manatdan...
Azərbaycan Prezidentinin Vyetnamın Baş naziri ilə görüşü olub
Əmək və Əhalinin Sosial Müdafiəsi Nazirliyi “Araz” supermarketlər şəbəkəsini mükafatlandırıb
Ən çox oxunanlar
Süd vəzi xərçəngindən sığortalanmaq mümkündür ®
Rəsmi məzənnələr açıqlandı
Anthropic IPO rekordunu qırdı – Nasdaq debütünü 1,8 trilyon dollarlıq qiymətləndirmə ilə başa vurdu
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"





















