Bank sektorunun kredit portfelində pisləşmə başlayıb

Bank sektorunun kredit portfelində pisləşmə başlayıb

Banklar ehtiyat yaratmağı gücləndiriblər

Bank sektorunun kredit portfelində pisləşmə başlayıb

Azərbaycanda fəaliyyət göstərən kredit təşkilatlarının portfelində ödəmə vaxtı keçmiş kreditlər (problemli kreditlər) yenidən artmağa başlayıb.

Marja.az-ın Mərkəzi Bankın statistikasından topladığı məlumata görə, 2021-ci ilin iyun ayında ödəmə vaxtı keçmiş kreditlərin məbləği 7,7 milyon manat artaraq 914,6 milyon manata yüksəlib. Mayın sonunda ödəmə vaxtı keçmiş kreditlərin məbləği 906,9 milyon manata düşmüşdü.

Bank sektorunda daha çox kreditin ödənişində gecikmə olacağı gözlənilir. Banklar bu məqsədlə ehtiyat yaratmağı gücləndiriblər. Belə ki, 2021-ci ilin 1-ci yarısında bank sektoru aktivlər üzrə mümkün zərərlərin ödənilməsi üçün xüsusi ehtiyatın yaradılmasına 73,5 milyon manat ayırıblar. Halbuki, 2020-ci ilin eyni dövründə sektor ayırma etməmiş, əksinə əvvəlki dövrlərdə yaradılmış ehtiyatdan 22,1 milyon manat azad olmuşdu. 2021-ci ilin 1-ci yarısında bankların kreditlər üzrə ehtimal olunan zərərin ödənilməsi üçün xüsusi fonda daha çox vəsait ayırması qeyri-qənaətbəxş, təhlükəli və ya ümidsiz kreditlərin artdığına işarədir.

Banklar kreditlər və digər aktivlər üzrə zərərin ödənilməsi üçün xüsusi ehtiyat fondu ("adi ehtiyat" və "məqsədli ehtiyat") yaradırlar. Bu fond əməliyyat mənfəəti və ya kapital hesabına yaradılır. Məqsədli ehtiyat Bankın qeyri-standart aktivləri üzrə zərərin ödənilməsi üçün yaradılan xüsusi fonddur. Aktivlər standart və qeyri-standart aktivlərə bölünür. Standart aktivlər - "qənaətbəxş" aktivlər və "nəzarət altında olan" aktivlərdir. Qeyri-standart aktivlərə - "qeyri-qənaətbəxş", "təhlükəli" və "ümidsiz" aktivlər (kreditlər) daxildir.

Pandemiya ilə əlaqədar olaraq biznesin və əhalinin gəlirlərinin azalması kredit ödənişlərində gecikmənin yaranmasının əsas səbəbi ola bilər.

Həmçinin oxu

Azərbaycanın bank sektorunun yarımillik xalis qazancı açıqlandı

23.07.2021 13:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az