Bu ilin ikinci yarısında Rusiyada avtomobillərin daha da bahalaşacağı proqnozlaşdırlır

Bu ilin ikinci yarısında Rusiyada avtomobillərin daha da bahalaşacağı proqnozlaşdırlır

Bu ilin ikinci yarısında Rusiyada avtomobillərin daha da bahalaşacağı proqnozlaşdırlır

Bu ilin ikinci yarısında, Azərbaycanın da bir sıra yeni avtomobilləri aldığı Rusiyada avtomobillər bahalaşmağa davam edəcək. Marja xəbər verir ki, bunu TASS-a Rusiyanın iki böyük avtomobil salonundan- "Rolf" və "Avilon"dan bildirilib. Eyni zamanda, bəzi yeni avtomobil modellərinin çatışmazlığı yaranacaq.

Avtomobil satıcıları iyul-dekabr aylarında avtomobillərin qiymətinin nə qədər artacağını proqnozlaşdırmırlar, lakin "Avilon" ilin birinci yarısında maya dəyərinin artıq 5-10% artdığını qeyd edib.

VTB-də yüksək depozit faizləri daha çox qazandırır

"Avilon"da, avtomobillərin maya dəyərinin daha da artmasının əsas səbəbləri bəzi avtomobillərin çatışmazlığı, inflyasiya və məzənnədəki dəyişikliklər hesab olunur.

“Yeni avtomobillərdəki bahalaşma dayanmır, xüsusən də bir sıra modellərin qiymətləri iyun ayı ərzində bir qədər də artıb. Qiymətlərin tədricən artmasının yaxın aylarda davam edəcəyi proqnozlaşdırıla bilər. Eyni zamanda, bir çox markada çatışmazlıq var və bu da avtomobill seçimini məhdudlaşdırır", - deyə "Rolf" diler şəbəkəsinin rəsmi nümayəndəsi bildirib.

Müştərilər üçün işlənmiş bir avtomobil almaq daha sərfəlidir, çünki təkrar bazarda maşın qıtlığı yoxdur və qiymətlər daha əlverişlidir.

“2021-ci ilin ikinci yarısında daha da qiymət artımları proqnozlaşdırıla bilər", Avilon-un rəsmi nümayəndəsi bildirib.

Onun sözlərinə görə, 2021-ci ilin birinci yarısında yeni avtomobillərin qiymətləri markasından, modelindən və konfiqurasiyasından asılı olaraq orta hesabla 5-10% artıb. Eyni zamanda, ən böyük artım "Fiat Doblo"da olub 13,2%. Aston Martin, Ferrari, Maserati kimi bir sıra lüks markalar qiymətlərini artırmayıb.

Son aylarda Rusiyadakı ən böyük istehsalçılar avtomobil qiymətlərini artırırlar. Qiymət artımının əsas səbəbləri mikroçip çatışmazlığı, yüksək inflyasiya, metalın bahalaşması və məzənnədəki dəyişikliklərdir.

02.07.2021 08:06