Rusiyadakı üç ən varlı milyarder yarım saat ərzində 2,5 milyard dollar yoxsullaşıb

Rusiyadakı üç ən varlı milyarder yarım saat ərzində 2,5 milyard dollar yoxsullaşıb

Cümə axşamı Moskva birjasında metallurgiya şirkətlərinin səhmləri ucuzlaşdı və bu proses Forbes-in Rusiya milyaderləri siyahısında ilk üçlüyə sahib olanların varidatını vurdu.

Rusiyadakı üç ən varlı milyarder yarım saat ərzində 2,5 milyard dollar yoxsullaşıb

Rusiya hökumətinin qara və əlvan metalların ixracına rüsumlar tətbiq etmək qərarı açıqladıqdan sonrakı yarım saat ərzində "Severstal", NLMK və "Norilsk Nikel" şirkətlərinin bazar dəyəri 332 milyard rubl azalıb.

Marja xəbər verir ki, Rusiya Nazirlər Kabineti daxili bazarda metalların kəskin bahalaşmasının qarşısını almaq üçün qara və əlvan metalların (mis, nikel, alüminium, ferro ərintilər və s.) ixraclına rüsumlar tətbiq edib. Bu tədbir, 1 avqust-31 dekabr tarixlərində rüsumların tətbiq ediləcəyi dövrdə büdcəyə 160 milyard rubl qazandıracaqdır.

VTB-də minimal faiz dərəcəsi ilə nağd kredit 9.9%-dən

Metallurgiya şirkətləri xaricə məhsul ixracından "super qazanclar" əldə edirdilər.

Baş nazirin müavini Andrey Belousov bu tədbirin "müvəqqəti" olduğunu və 2022-ci ildən etibarən daxili bazarın dünya qiymətlərindəki dalğalanmalardan qorunması üçün sistemli bir mexanizmə ehtiyac olduğunu söyləyib.

Qərardan dərhal sonra "Severstal"ın Moskva birjasındakı səhmləri 5,8% ucuzlaşaraq şirkətin kapitallaşmasından 73 milyard rubl silinib.

Forbes-in verdiyi məlumata görə, "Severstal"ın 76% -nin sahibi, 29,1 milyard dollarlıq sərvəti ilə Rusiyanın ən varlı adamı Aleksey Mordaşov 55,5 milyard rubl və ya 760 milyon dollar ilə yoxsullaşıb.

Forbes tərəfindən sərvəti 27 milyard dollar olaraq qiymətləndirilən ikinci sırada yer alan Vladimir Potanin, "Norilsk Nikel" səhmlərinin düşməsilə 63,4 milyard rubl itirib. Potanin "Norilsk Nikel"in 35% -nə sahibdir.

NLMK-nin 79%-nin sahibi olan ilk üçlüyü bağlayan Vladimir Lisin 61,6 milyard rubl kasıblaşıb. "Novolipetsk" zavodunun səhmləri 5,2% ucuzlaşıb və nəticədə şirkətin bazar dəyəri 78 milyard rubl azalıb.

Ümumilikdə ilk 3 milyarder 180,5 milyard rubl və ya 2,5 milyard dollar itiriblər.

24.06.2021 15:07