"Dərslərini yaxşı oxuyan tələbəyə faiz dərəcələrində güzəşt ediləcək"

"Dərslərini yaxşı oxuyan tələbəyə faiz dərəcələrində güzəşt ediləcək"

"Dərslərini yaxşı oxuyan tələbəyə faiz dərəcələrində güzəşt ediləcək"

"Təhsil krediti verilən zaman giriş balı nəzərə alınacaq".

Bunu keçirdiyi brifinqdə təhsil naziri Emin Əmrullayev deyib.

VTB-də yüksək depozit faizləri daha çox qazandırır

Onun sözlərinə görə, ilkin mərhələdə tələbənin ali məktəbə qəbul olunan zaman yüksək bal yığması və sonra müvəffəqiyyəti (yaxşı oxuyaraq yüksək qiymət alması) nəzərə alınacaq:

"Yüksək nəticə göstərilməsi ilk şərt olacaq. Dərslərini yaxşı oxuyan tələbəyə faiz dərəcələrində və kreditin geri qaytarılmasında güzəşt ediləcək. Naliyyətləri yüksək olan tələbələrə imkanı birinci yaradacağıq".

Nazir qeyd edib ki, tələbə krediti təhsil haqqının maksimum 75-80%- qədər ayrılacaqdır.

Nazir əlavə edib ki, növbəti tədris ilindən ali təhsil alan tələbələrin böyük hissəsinin Təhsil Tələbə Kredit Fondu tərəfindən maliyyələşməsini təmin etmək mümkün olacaq.

Təhsil Tələbə Kredit Fondundan həm dövlət, həm də özəl təhsil müəssisəsində təhsil alan tələbə istifadə edə bilər. Əsas məsələ ali təhsil müəssisəsinin lisenziyasının olmasıdır.

Tələbə öz təhsilini bitirdikdən sonra işləyərək aldığı krediti 20 il ərzində hissə-hissə geri qaytaracaqdır.

Qeyd edək ki, dünən Prezident İlham Əliyevin Fərmanı ilə Təhsil Tələbə Krediti Fondu yaradılır. Fond təhsil tələbə kreditlərinin verilməsini təşkil edəcək. Fond Azərbaycan Respublikası Nazirlər Kabinetinin müəyyən etdiyi qaydaya uyğun olaraq təhsil tələbə krediti üçün müraciət etmiş tələbələrə kredit ayrılması barədə qərar qəbul edəcək. Təhsil tələbə krediti müvəkkil banklar vasitəsilə həyata keçiriləcəkdir.

18.06.2021 11:21

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az