Jaguar və Land Roverin sahibinə pis sürpriz - 1 milyard dollar zərər

Jaguar və Land Roverin sahibinə pis sürpriz - 1 milyard dollar zərər

Çindəki satışların 127% artması da köməyə gəlməyib.

Jaguar və Land Roverin sahibinə pis sürpriz - 1 milyard dollar zərər

Hindistanın transmilli avtomobil istehsalı şirkəti, 2008-ci ildən Jaguar və Land Rover brendlərini buraxan Britaniyanın Jaguar Land Rover Limited holdinqinə də (JLR) sahib olan Tata Motors bu ilin 1-ci rübünün nəticələrini açıqlayıb.

Marja xəbər verir ki, analitiklərin gözlədiyi 365 milyon dollarlıq mənfəət müqabilində nəticələr təəccüblü olub - 1 milyard dollar zərər. Şirkət bunu Böyük Britaniyada yerləşən lüks avtomobil biznesində modernləşdirmə səbəbindən 2,1 milyard dollarlıq vəsaiti xərcə silməsi ilə izah edib.

Jaguar və Land Roverin Çindəki satışları bir il öncəki dövrlə müqayisədə 127% artıb. Tata Motors-un öz pərakəndə satışları da 12,4% yüksəlib. Lakin bu nəticələr də rübü mənfəətlə başa vurmaqda şirkətə kömək etməyib. JLR-in əldə etdiyi bircə müsbət nəticə rüb ərzində kapital təmir və yenidənqurma ilə əlaqədar 426 milyon dollar vəsaitə qənaət etməsi olub.

Ötən ay Jaguar Land Rover Limited çip böhranına görə Britaniyada iki istehsal müəssisəsində işləri müvəqqəti dayandırmışdı. Tata Motors rüblük nəticələrə dair açıqlamasında çip çatışmazlığının bu rüb də istehsal həcminə mənfi təsir edəcəyini bildirib. Həmçinin, Hindistanda başlayan koronavirusun yeni dalğası səbəbindən tətbiq edilən məhdudiyyətlər də Tata Motors-un yerli zavodlarında yetərincə avtomobil buraxmasına ciddi mane olur.

Çip böhranı avtomobil sənayesi üçün əsas maneə olaraq qalmaqdadır...

Yarımkeçirici elementlərin çatışmazlığı təkcə Tata Motors-un deyil, Toyota, Nissan, General Motors və Ford kimi nəhənglərin də işinə ciddi əngəl törədir. Sadalanan brendlərin hamısı ilin əvvəlindən dəfələrlə öz zavodlarında istehsalı müvəqqəti dayandırıblar. Toyota bu həftənin əvvəlində yenidən gələn ay Yaponiyadakı iki zavodunda istehsalı məhdudlaşdıracağını elan edib.

19.05.2021 10:52

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az