Dünya birjalarında yenidən qarışıq vəziyyət

Dünya birjalarında yenidən qarışıq vəziyyət

ABŞ texnoloji səhmləri martdan bəri “ən pis gününü yaşayır”, Avstraliyada artım var, Çin, Yaponiya və Koreyada bayramdır.

Dünya birjalarında yenidən qarışıq vəziyyət

Həftənin üçüncü iş günü Asiya bazarlarında nisbətən müsbət dinamika ilə başlayıb.

Marja xəbər verir ki, Avstraliyanın S&P ASX 200 indeksi 0,7% artaraq, 7117,60-da qərarlaşıb. Enerji və materialların qiymətində müvafiq olaraq 0,9% və 1,2% artım qeydə alınıb. Tayvanın Taiex birjası 0,36%, Honkonqun Hang Seng indeksi 0,09% yüksəlib. Sinqapurun Strait Times indeksində əksinə, 0,82% azalma baş verib. Şəhər-dövlət ötən gün koronavirusa yeni yoluxma hallarının aşkarlanmasından sonra sosial məhdudlaşdırma tədbirlərinin sərtləşdiriləcəyini bildirib.

Çində Zəhmətkeşlər bayramı, Yaponiya və Cənubi Koreyada isə Uşaqlar günü ilə əlaqədar bayram tətili səbəbindən birjalar hələlik qısa müddətdə bağlıdır.

Asiya bazarlarındalı bu nisbi hərəkətlilik ABŞ birjalarındakı qəfil enişin fonunda baş verib. ABŞ maliyyə naziri Janet Yellenin faiz dərəcələrinin bir qədər artırılmasının zəruri olduu barədə açıqlamasının ardınca texnologiya şirkətlərinin səhmləri aprel ayına nisbətən 4% ucuzlaşıb. Wall Street-də texnoloji səhmlərə əsaslanan Nasdaq Composite indeksi 1,9%, S&P500 0,7% dəyər itirib. Apple-ın səhmləri ötən ilin oktyabrından bəri ilk dəfə ən böyük enişini yaşayıb - 3,5%. Facebook, Google-un ana şirkəti Alphabet və Intel-in səhmləri də ucuzlaşıb.

ABŞ-dakı azalma Avropa bazarlarına, xüsusən texnologiya sektoruna da təsirsiz ötüşməyib. Avropanın Stoxx 600 indeksi 1,5% azalıb. Almaniyanın maliyyə proqramçısı SAP-ın səhmləri 3%-dən çox, Niderlandın yarımkeçirici çip avadanlıqları istehsalçısı ASML-in bazar dəyəri təxminən 5% ucuzlaşıb.

ABŞ dollarının onun analoqlarının səbətinə nisbətdə kursunu ölçən Dollar İndeksi daha öncəki 91,283 göstəricisi ilə müqayisədə 0,1% azalaraq, 91,193 təşkil edib. Avstraliya dolları 0,42% bahalaşaraq, 1 Avstraliya dolları = 0,7737 dollar hədinə çatıb.

Asiya birjalarında Brent markalı fyuçers qiyməti bir barrelə 69,46 dollar təşkil edir, Qərbi Texas (WTI) nefti 66,26 dollara təklif olunur.

05.05.2021 08:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az