(®️) Bu gün  “FAB” şirkətlər qrupu fəaliyyətə başlamasının 20-ci  ildönümünü qeyd edir. “FAB” rəqabətə davamlı məhsulları, möhkəm təməllərə bağlı tərəfdaşlığı, gərgin əmək və zəhməti sayəsində hazırda inşaat sektorunda  Azərbaycanın ən məşhur brendləri sırasında ön pillələrdə yer almanın sevinci və qürurunu yaşayır. Bu barədə FAB Şirkətlər Qrupudan verilən məlumatda qeyd edilir.

2001- ci ilin 24 aprelində “Faydasını alanlar bilər!” şüarı ilə yola çıxan və boya istehsalına başlayan şirkət, hazırda plastik borudan, alçı və yapışdırıcılara qədər müxtəlif təyinatlı inşaat məhsullarının istehsalçısıdır: “Ölkəmizin uğurlu sosial-iqtisadi tərəqqisi, sahibkarlara göstərilən yüksək dövlət qayğısı, qeyri-neft sənayesinin inkişafına yönələn tədbirlər, dövlət başçısı cənab İlham Əliyevin innovativ texnologiyaların tətbiqinə əsaslanan istehsal, emal, infrastruktur sahələrinin yaradılması istiqamətində verdiyi tapşırıqlar yeni fabrik və zavodlarımızın istismara verilməsinə stimul oldu. İstehlakçılara ən yaxşı xidməti, ən yaxşı məhsulu təklif etdik, birlikdə qazandıq, birlikdə böyüdük”.

Dürüstlük, ədalət prinsipləri ilə qurulan əməkdaşlıq əlaqələri, yenilikləri tətbiq etmək, milli-mənəvi dəyərlərə bağlılıq “FAB”ın 20 illik fəaliyyət dövrünü işıqlandıran amillərdir. Şirkət keyfiyyətdə üstün, ekoloji cəhətdən təmiz məhsul istehsalını vərdişə çevirib. Müəssisələrini ən müasir tələblərə uyğun, ətraf mühitə zərər verməyəcək şəkildə qurub, məhsul və xidmətlərində könüllərə xitab edib: “Geridə qoyduğumuz 20 il ərzində sevincimizi, uğurumuzu, kədərimizi birlikdə paylaşdıq. “FAB”ın hər kəs tərəfindən sevilən və seçilən yerli marka kimi tanınmasının şahidi olduq. Qarşıda həyata keçirəcəyimiz ideyalar çoxdur. Hədəflərimiz böyükdür. Keçmişimizə, milli-mənəvi dəyərlərimizə sadiq qalaraq növbəti onillikdə “FAB” markasının ölkə hüdudlarından kənarda da seçilən Azərbaycan brendi kimi tanınması istiqamətində fəaliyyətlərimizi davam etdirəcəyik. İstehlakçıların gözləntilərini maksimum səviyyədə qarşılamaq üçün əzmlə çalışacağıq. Şirkətimizin bu günlərə gəlməsində əməyi keçən bütün əməkdaşlarımıza, tərəfdaşlarımıza və etimad göstərib bizi seçən məhsul istifadəçilərimizə təşəkkür edirik”.