Kapitalından ən yaxşı və ən pis istifadə edən banklar

Kapitalından ən yaxşı və ən pis istifadə edən banklar

Kapitalından ən yaxşı və ən pis istifadə edən banklar

Azərbaycanda fəaliyyət göstərən 26 bank ötən il 567,8 milyon manat xalis mənfəətlə başa vurub ki, bu da onların bu il yanvarın 1-nə malik olduqları 4 milyard 589,5 milyon manat məbləğində nizamnamə kapitalının 12,4%-i qədərdir.

Ayrı-banklarda isə sözügedən nisbət fərqlidir. Belə ki, 2020-ci ildən mənfəətlə çıxmış 23 bank arasında nizamnamə kapitalından ən yaxşı istifadə edəni "Kapital Bank" ASC olub. Bu bankın əldə etdiyi mənfəət kapitalının 1,2 mislini təşkil edib. Baxmayaraq ki, "Kapital Bank" kapitalının məbləğinə görə Azərbaycanda 7-cidir.

VTB-də minimal faiz dərəcəsi ilə nağd kredit 10.49%-dən

Fəaliyyət effektivliyinə görə, 2-cü yeri isə "Bank of Baku" ASC tutub. Bu bank ötən il nizamnamə kapitalının 24%-i qədər mənfəət əldə edib. Bu arada, "Bank of Baku" kapitalının məbləğinə görə, 26 bank arasında 22-ci yerdə qərarlaşıb.

Mənfəətinin nizamnamə kapitalına nisbətinə görə 3-cü yerə isə 16,3%-lik göstərici ilə "PAŞA Bank" ASC sahib olub. Xatırladaq ki, bu bank kapitalının məbləğinə görə, ölkədə 4-cüdir.

Mənfəətlə işləyən qalan 20 bankdan 16-da sözügedən göstərici 1-11% arasında, 4 bankda isə 0-1% arasında dəyişir.

№	Bankın adı	Bankın illik mənfəətinin /zərərinin nizamnamə kapitalına nisbəti
1	Kapital Bank	1,2 dəfə
2	Bank of Baku	24,0%
3	PAŞA Bank	23,8%
4	Azərbaycan Beynəlxalq Bankı	10,4%
5	Naxçıvan Bank	8,9%
6	Unibank	8,8%
7	Azərbaycan Sənaye Bankı	8,6%
8	Bank Respublika	8,2%
9	AFB Bank	7,7%
10	Xalq Bank	7,1%
11	Express Bank	6,1%
12	Zıraat Bank Azərbaycan	4,2%
13	Premium Bank	2,6%
14	Yapı Kredi Bank Azərbaycan	2,5%
15	Bank Avrasiya	2,5%
16	Rabitəbank	2,2%
17	Bank VTB Azərbaycan	1,2%
18	İran Milli Bankı - Bakı	1,1%
19	Access Bank	1,0%
20	Turan Bank	0,9%
21	Azər-Türk Bank	0,8%
22	Muğan Bank	0,7%
23	Günay Bank	0,6%
24	Pakistan Milli Bankı - Bakı	-2,3%
25	Yelo Bank	-10,5%
26	Bank BTB	-13,7%