"Araz Supermarket"dən yararsız soğanlar ilə bağlı açıqlama

"Araz Supermarket"dən yararsız soğanlar ilə bağlı açıqlama

"Araz Supermarket"dən yararsız soğanlar ilə bağlı açıqlama

Xəbər verdiyimiz kimi, Azərbaycan Respublikasının Qida Təhlükəsizliyi Agentliyinin (AQTA) müfəttişləri tərəfindən "Araz Supermarket" MMC tərəfindən Ukraynadan ölkəmizə idxal edilən 20.58 ton soğan məhsuluna baxış keçirilib. Baxış zamanı idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Müayinələr nəticəsində soğan məhsullarında karantin tətbiq edilməyən zərərli orqanizm Aspergillus niger (qara kiflilik) aşkarlanıb. Agentlik tərəfindən istehlak üçün yararsız məhsulların məhv edilməsi və ya geri qaytarılması ilə bağlı müvafiq qərar qəbul edilib.

"Araz" supermarketlər şəbəkəsinin sözçüsü Billurə Əmirova Marja-ya açıqlamasında bildirdi ki, idxal edilən məhsullar müvafiq yoxlanışlardan keçəndən sonra satışa çıxarılır:

VTB-də yüksək depozit faizləri daha çox qazandırır

"Agentliyin yaydığı xəbər müştərilərimizi çaşdırmasın deyə məsələyə aydınlıq gətiririk. Belə ki,bu ilin yanvar ayında tərəfimizdən Ukraynadan soğan idxal olunub. Bildiyiniz kimi ölkəyə idxal olunmuş məhsullar Azərbaycan Respublikasının Qida Təhlükəsizliyi Agentliyi (AQTA) tərəfindən müvafiq yoxlanışlardan keçəndən sonra satışa çıxarılır. O cümlədən, tərəfimizdən idxal olunmuş soğandan, satışa çıxarılmamışdan əvvəl, nümunələr götürülərək müayinə edilmiş və müayinələr nəticəsində məhsulda qara kiflilik aşkarlanmışdır. AQTA nümayəndələrinin iştirakı ilə "Araz" supermarketlər şəbəkəsi tərəfindən məhsul məhv edilmişdir. Xüsusi olaraq bildirmək istərdik ki, "Araz" supermarketlər şəbəkəsində satılan meyvə-tərəvəz əsasən yerli məhsuldur. Meyvə-tərəvəzi bazar qiymətinə təklif edən "Araz" marketlərin rəflərində yer alan məhsulların keyfiyyətinə xüsusilə diqqət olunur. Çünki bizim üçün müştəri məmnuniyyəti hər şeydən önəmlidir".

25.02.2021 15:52

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az