Sahibkarların bank hesablarındakı vəsaitin 20 min manatədək olan hissəsi sığortalana bilər - QANUN DƏYİŞİR

Sahibkarların bank hesablarındakı vəsaitin 20 min manatədək olan hissəsi sığortalana bilər - QANUN DƏYİŞİR

Sahibkarların bank hesablarındakı vəsaitin 20 min manatədək olan hissəsi sığortalana bilər - QANUN DƏYİŞİR

“Əmanətlərin sığortalanması haqqında” Azərbaycan Respublikasının Qanununda dəyişikliklərin edilməsi təklif olunur. Müvafiq Qanun layihəsi Milli Məclisə təqdim olunmuşdur.

Marjanın məlumatına görə, dəyişikliklərdən biri fiziki şəxslərin bank hesablarında olan vəsaitlərin sığortalanması ilə bağlıdır.

VTB-də minimal faiz dərəcəsi ilə nağd kredit 10.49%-dən

Belə ki, sahibkarlıq fəaliyyəti ilə məşğul olan fiziki şəxslərin bank hesablarında olan vəsaitləri üzrə kompensasiya məbləği 20 min manat müəyyən edilməklə sığortalanması təklif olunur. Bu kateqoriyadan olan sahibkarlar maliyyə risklərinə daha həssas olduğundan vəsaitlərinin itirilməsi onların fəaliyyətinin dayanması ilə nəticələnə bilər. Bu baxımdan, fərdi sahibkarların əmanətlərin sığortalanması sisteminə daxil edilməsi hökumətin kiçik sahibkarlığın inkişafı siyasətini dəstəkləyəcək və bank sisteminə etimadın artırılmasına xidmət edəcək.

XXX

“Əmanətlərin sığortalanması haqqında” Azərbaycan Respublikasının Qanununda dəyişiklik edilməsi barədə qanun layihəsi müzakirəyə çıxarılacaq.

Marja-nın əldə etdiyi məlumata görə, sahibkarların cari bank hesablarının 20 min manatədək olan hissəsinin də sığortalanması və sığorta hadisəsi baş verdikdə kompensasiya ödənilməsi təklif edilir.

Hazırda qüvvədə olan “Əmanətlərin sığortalanması haqqında” qanuna görə, fiziki şəxslərin sahibkarlıq fəaliyyəti ilə əlaqədar açdığı bank hesablarındakı pul vəsaitləri qorunan əmanətlərə aid edilmir.

Notariusun depozit hesabına mədaxil edilən fiziki şəxslərə məxsus vəsaitlərin də qorunan sayılması təklif edilir.

Qorunan əmanət – sığorta hadisəsi baş verdikdə Əmanətlərin Sığortalanması Fondu tərəfindən əmanətçiyə kompensasiya olunan əmanətidir. Sığortalanmış əmanət – əmanətçinin qorunan əmanətinin Fond tərəfindən kompensasiya ödənilən hissəsidir.

Həmçinin oxu

Əmanətlərin tam sığortalanması müddəti 4 ay uzadılır - ARDINCA 100 MİN MANATADƏK ƏMANƏTLƏR...

07.12.2020 16:54

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az