EUR.

Avropa Mərkəzi Bankının Avrozona iqtisadiyyatına dair müsbət açıqlamalarından sonra EURUSD məzənnəsi 1.18$ dəstək səviyyələrinin üzərində ticarət edilməkdədir. Təhlillərə əsasən, avro 1.1855$-ın qırılması ilə növbəti artım dalğasına başlaya bilər.

Bununla yanaşı, bu həftənin çərşənbə günü Bakı vaxtı ilə saat 22:00-da açıqlanacaq Amerika Mərkəzi Bankının qərarı da böyük maraqla gözlənilir.

GBP.

Bu həftə GBPUSD məzənnəsinə təsir edəcək önəmli fundamental hadisələr baxımından zəngin həftədir. Belə ki, çərşənbə axşamı saat 10:00-da əmək bazarı, çərşənbə günü saat 10:00-da inflyasiya ilə bağlı göstəricilər və cümə axşamı saat 15:00-da İngiltərə Mərkəzi Bankının qərarı dərc ediləcəkdir. Bu həftə İngiltərə höküməti tərəfindən müzakirə və qəbul ediləcək Breksit ticarət sazişi də investorların diqqət mərkəzində olacaqdır.

Texniki təhlillər isə funtun da bahalaşmağa başlaya biləcəyini proqnozlaşdırmağa əsas verir. 1.2865$-ın qırılması ilə GBPUSD valyuta cütlüyünün qiyməti 1.30$-a kimi bahalaşa bilər.

TRY.

USDTRY məzənnəsi Türkiyədə inflyasiyanın artması amili fonunda bahalaşmaqdadır. Məzənnə 7.50TL-ni qırarsa, 7.54TL-yə kimi də bahalaşacağı proqnozlaşdırılır.

Çərşənbə axşamı saat 12:00-da dövlət büdcə kəsirinə dair yayımlanacaq statistik rəqəmlər də önəmli rol oynayacaqdır.

OIL.

Foreks bazarlarında dolların ucuzlaşması, neft qiymətlərinin dəyər qazanmasına səbəb olur. Beləliklə, 39$-ın üzərində dəstək görən Avropanın Brent neftinin bir barel qiyməti, 41$-ın qırılması ilə 42$-a kimi də bahalaşacağı proqnozlaşdırılır.

Çərşənbə günü saat 18:30-da dərc ediləcək ABŞ-ın neft və benzin ehtiyatları ilə göstəricilər də treyderlər tərəfindən böyük maraqla gözlənilir.

GOLD.

Əlvan metallar bazarlarında da qızılın qiyməti 1937$-da (62.3 $/qram) dəstək görməkdədir. Hazırda 1945$-ın (62.5 $/qram) üzərində təklif edilən bir unsiya üzrə qiymət, 1983$-a (63.8 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir. 

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.