EUR.

Cümə axşamı Bakı vaxtı ilə saat 16:30-da baş tutacaq Avropa Mərkəzi Bankının (AMB) mətbuat konfransında veriləcək önəmli açıqlamalar öncəsi, beynəlxalq valyuta birjalarında EURUSD məzənnəsi 1.19-1.18$ aralığında dalğalanmaqdadır.

Bu o deməkdir ki, AMB-nin yumşaq monetar siyasətinin daha da genişləndiriləcəyinə dair gözləntilər artarsa, avro 1.18$-ın qırılması ilə 1.17$-a kimi ucuzlaşmaqda davam edəcəkdir.

Bununla yanaşı, cümə günü saat 16:30-da Amerikada inflyasiya ilə bağlı göstəricilər də diqqət mərkəzindədir.

GBP.

Bu həftə həm çərşənbə axşamı bərpa ediləcək Breksit danışıqları, həm də İngiltərə iqtisadiyyatı ilə bağlı dərc ediləcək önəmli fundamental göstəricilər GBPUSD məzənnəsində növbəti trend üçün önəmli olacaqdır. Son təhlillər 1.3220$-ın qırılması ilə funtun 1.3117$-a kimi ucuzlaşacağını proqnozlaşdırmağa əsas verir.

Breksit danışıqlarında irəliləyiş mümkün görünməsə də, cümə günü saat 10:00-da yayımlanacaq İngiltərənin iqtisadi inkişaf səviyyəsi göstəricisi investorlar tərəfindən böyük maraqla gözlənilməkdədir.

TRY.

USDTRY məzənnəsi tarixi rekord səviyyələrini yeniləsə də bahalaşma dinamikasında zəifləmə müşahidə edilir. Bu, Türkiyədə açıqlanan inflyasiya göstəricilərin təsiri altında müşahidə edilən tendensiyadır. İnflyasiyanın proqnozlaşdırılandan zəif artması, inflyasiya mövzusunda nikbinliyi artırsa da artımın davam etməsi faktını investorlar gözardı edə bilmirlər.

Texniki analizlərə əsasən, növbəti maksimumlar üçün 7.4533TL-nin qırılması lazımdır. Bundan sonra dollar 7.5623 lirəyə kimi dəyər qazana bilər.

OIL.

Foreks bazarlarında dolların bahalaşması, neft qiymətlərinin dəyər itirməsin səbəb olur. Beləliklə, Avropanın Brent neftinin bir barel qiyməti 42$-ın da altında qalarsa, 41$-a kimi də ucuzlaşacağı proqnozlaşdırılır.

Cümə axşamı saat 19:00-da dərc ediləcək ABŞ-ın neft və benzin ehtiyatları ilə göstəricilər də treyderlər tərəfindən böyük maraqla gözlənilir. 

GOLD.

Əlvan metallar bazarlarında da qızılın qiyməti təzyiq altındadır. Hazırda 1935$-ın (62.2 $/qram) altında təklif edilən bir unsiya üzrə qiymət, sözügedən səviyyənin altında qaldıqca,  1903$-a (61.2 $/qram) kimi də ucuzlaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.