Azərbaycan startapçıları beynəlxalq yarışmaya dəvət olunur - TƏLƏBLƏR

Azərbaycan startapçıları beynəlxalq yarışmaya dəvət olunur - TƏLƏBLƏR

Azərbaycan startapçıları beynəlxalq yarışmaya dəvət olunur - TƏLƏBLƏR

İslam İnkişaf Bankı Qrupunun (IsDB Group) hər il İllik İnvestisiya Toplantısı ərəfəsində təşkil etdiyi Beynəlxalq Startap Yarışmasında Azərbaycan startapçıları da iştirak edəcək.

Bu barədə İqtisadiyyat Nazirliyinin Kiçik və Orta Biznesin İnkişafı Agentliyindən (KOBİA) bildirilib.

Məlumata görə, KOBİA Beynəlxalq Startap Yarışmasının Azərbaycan üzrə milli turunun rəsmi tərəfdaşıdır. Bu gündən Agentlik Beynəlxalq Startap Yarışmasının Azərbaycan üzrə milli turuna start verir. Startaplar sosial inkişaf, innovasiyalardan daha yaxşı istifadə, iqlim və ətraf mühitə təsir, məxfilik və məlumatların qorunması və startapın inkişafı kateqoriyaları üzrə yarışa qatıla bilər.

Yarışda aşağıdakı tələblərə cavab verən startaplar iştirak edə bilər:

• İşçilərinin və komanda üzvlərinin sayı 20-dək olan;

• Müvafiq kateqoriyalara uyğun gələn;

• Startapın minimum prototipinin və ya ideya/layihənin işlək modelinin olması (software, app, web service), mövcud istifadəçilərinin olması;

• Digər milli və beynəlxalq yarışlarda iştirak edənlərə üstünlük veriləcək.

Milli turda iştirak etmək istəyən yerli startaplar 7 sentyabr 2020-ci il tarixinədək bu keçidə daxil olmaqla qeydiyyatdan keçməlidir:

https://www.aimcongress.com/roadshow/Profile/Register

Əlaqələndirici: KOBİA-nın nümayəndəsi Asif Həsənov (+994 12) 404-04-01 (daxili 241).

Milli turun qalibi KOBİA, İslam İnkişaf Bankı və İllik İnvestisiya Toplantısının təşkilat komitəsinin üzvlərindən ibarət Münsiflər Heyəti tərəfindən cari ilin 10 sentyabr tarixində onlayn formatda elan olunacaq. Qalib startap Azərbaycanı 29 oktyabr 2020-ci il tarixində Dubayda keçiriləcək Beynəlxalq Startap Yarışmasında təmsil edəcək. Dubayda təşkil olunacaq yarış canlı formatda keçiriləcəyi təqdirdə milli təmsilçinin bütün xərcləri İslam İnkişaf Bankı tərəfindən qarşılanacaq. Beynəlxalq Startap Yarışmasında ümumilikdə 5 qalib seçiləcək və onların hər birinə 10 min ABŞ dolları məbləğində mükafat veriləcək.

Ümumilikdə Beynəxlaq Startap Yarışmasında dünyanın 80 ölkəsindən startapların iştirakı nəzərdə tutulur.

01.09.2020 12:20