Azərbaycanda borcalanlara fərdi reytinqlərin verilməsinə başlanılır

Azərbaycanda borcalanlara fərdi reytinqlərin verilməsinə başlanılır

Azərbaycan Kredit Bürosu yeni skorinq xidmətini istifadəyə verib. bu xidmətdən istifadə edən təşkilatlar borcalanın keçmiş kredit məlumatlarına əsasən onun gələcək defolt ehtimalını hesablayıb, yeni kredit əldə etməsinə uyğunluğunu müəyyən etmək imkanı əldə etmiş olacaqlar

Azərbaycanda borcalanlara fərdi reytinqlərin verilməsinə başlanılır

Azərbaycan Kredit Bürosu (AKB) 24 avqust 2020-ci il tarixindən yeni kredit skorinq xidmətini əməkdaşlıq etdiyi təşkilatların istifadəsinə təqdim edib.

Bu barədə Bürodan Marja-ya daxil olmuş məlumatda bildirilir.

VTB-də minimal faiz dərəcəsi ilə nağd kredit 10.49%-dən

Proqnozlaşdırma gücü kifayət qədər yüksək olan (Gini əmsalı - 66.3) bu model AKB ilə Türkiyənin “Kredi Kayıt Bürosu”nun (KKB) birgə əməkdaşlığı çərçivəsində hazırlanmışdır.

Təqdim olunmuş yeni xidmət AKB-də kredit tarixçəsi subyektləri haqqında toplanmış məlumatların təhlilinə əsasən borcalan davranışlarının öyrənilməsini və əldə edilən nəticələr əsasında fərdi reytinqlərin verilməsini həyata keçirir.

"Yeni kredit skorinq xidməti kredit təşkilatlarında qiymətləndirmə prosedurlarının sadələşdirilməsində, əməliyyat xərclərinə qənaət edilməsində, kredit risklərinin azaldılmasında, habelə borcalanın maliyyə intizamının möhkəmləndirilməsində mühüm rol oynayacaqdır. Belə ki, bu xidmətdən istifadə edən təşkilatlar borcalanın keçmiş kredit məlumatlarına əsasən onun gələcək defolt ehtimalını hesablayıb, yeni kredit əldə etməsinə uyğunluğunu müəyyən etmək imkanı əldə etmiş olacaqlar",- məlumatda deyilir.

Yeni servisin skor şkalası 1-1000 arasında olacaqdır.

Məlumat üçün bildirək ki, AKB ölkənin qabaqcıl 8 bankı tərəfindən 2018-ci ildə təsis edilmişdir. Cari dövrə AKB-nin əməkdaşlıq etdiyi təşkilatların sayı 137-yə çatmışdır.

28.08.2020 15:13

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az