Banklar tərəfindən nağd xarici valyutanın alqı-satqısı artıb - MƏBLƏĞ

Banklar tərəfindən nağd xarici valyutanın alqı-satqısı artıb - MƏBLƏĞ

Banklar tərəfindən nağd xarici valyutanın alqı-satqısı artıb - MƏBLƏĞ

2020-ci ilin I yarısında da manatın xarici valyutalara nəzərən məzənnəsi valyuta bazarında tələb-təklif nisbətinə uyğun olaraq formalaşmışdır. Xarici mühitdə baş verən proseslərin neqativ təsirlərinə baxmayaraq hökumətin və Mərkəzi Bankın birgə həyata keçirdikləri qabaqlayıcı tədbirlər nəticəsində valyuta bazarında stabillik qorunmuşdur.

VTB-də yüksək depozit faizləri daha çox qazandırır

Marja xəbər verir ki, bu, xəbər verir ki, bu barədə Azərbaycan Mərkəzi Bankının (AMB) “Pul siyasəti icmalı”nda bildirilir.

Qeyd edilib ki, hesabat dövründə valyuta bazarında əməliyyatların həcminin artması müşahidə edilmişdir. Yarımillik ərzində nağdsız valyuta bazarında aparılmış əməliyyatların həcmi ötən ilin müvafiq dövrünə nəzərən 4.7% artaraq 12.7 mlrd. ABŞ dolları ekvivalentində olmuşdur.

Nağdsız valyuta əməliyyatlarının 86.5%-i ABŞ dollarında, 13.5%-i isə digər valyutalarda aparılmışdır.

Valyuta əməliyyatlarının 38.3%-i banklararası valyuta bazarında (BVB), 61.7%-i isə bankdaxili valyuta bazarında (BDVB) reallaşdırılmışdır.

Dövr ərzində BVB-də əməliyyatların 99.3%-i ABŞ dollarında, 0.6%-i avroda, 0.1%-i isə digər valyutalarda aparılmışdır. BVB-də valyuta əməliyyatları üzrə dövriyyə əsasən “Bloomberg” platformasında aparılan əməliyyatlar hesabına formalaşmışdır.

BDVB-də valyuta əməliyyatlarının həcmi 7.8 mlrd. dollar ekvivalentində olmuşdur ki, bunun da 78.5%-ni ABŞ dolları ilə əməliyyatlar təşkil etmişdir. BDVB-də valyuta əməliyyatlarının 92.6%-i hüquqi şəxslərlə aparılan valyuta əməliyyatlarının payına düşmüşdür.

Banklar tərəfindən nağd xarici valyutanın alqı-satqısı üzrə aparılmış əməliyyatların həcmi ötən ilin müvafiq dövrünə nəzərən 16.4% artaraq hesabat dövründə 3.2 mlrd. ABŞ dolları ekvivalentində olmuşdur. Bunun 2.9 mlrd. dollarını və ya 92.2%-ni ABŞ dolları ilə aparılmış əməliyyatlar təşkil etmişdir.

27.08.2020 13:02