"TuranBank" ASC 2019-cu ili 416 min manat mənfəət ilə başa vurub. 2018-ci illə müqayisədə 2019-cu ildə Bankın mənfəəti təxminən 6 dəfə artıb. Belə ki, “TuranBank” 2018-ci ili 70 min manat xalis mənfəət ilə bağlamışdı. Mənfəətin artması Bankın faiz və qeyri-faiz gəlirlərinin artmasından qaynaqlanır.

“Marja” Bankın maliyyə göstəricilərinə istinadən xəbər verir ki, 2019-cu ildə “TuranBank”ın cəmi faiz və qeyri gəlirləri 38 milyon 706 min manat, cəmi faiz və qeyri-faiz xərcləri 37 milyon 606 min manat təşkil edib. Gəlirlər xərcləri üstələdiyindən Bankın 1 milyon 100 min manat əməliyyat mənfəəti yaranıb. Əməliyyat mənfəətinin 684 min manatı aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayrılıb, nəticədə Bank ötən ili 416 min manat mənfəət əldə edib.

Müqayisə üçün qeyd edək ki, 2018-ci ildə “TuranBank”ın cəmi faiz və qeyri-faiz gəlirləri 33 milyon 925 min manat, cəmi faiz və qeyri-faiz xərcləri 33 milyon 193 min manat, əməliyat mənfəəti 732 min manat təşkil etmişdi. Bank əməliyyat mənfəətinin 662 min manatını ehtiyatın yaradılmasına ayırdığından mənfəəti 70 min manat təşkil etmişdi.

Faiz gəlirləri 2018-ci ildə 30 milyon 931 min manat ikən 2019-cu ildə 34 milyon 912 min manata, qeyri-faiz gəlirləri 2018-ci ildə 2 milyon 994 min manat ikən 2019-cu ildə 3 milyon 794 min manata yüskəlib.

Ötən il “TuranBank”ın cəmi gəlirlərinin 4 milyon 781 min manat artması ilə parallel cəmi xərcləri də 4 milyon 412 min manat artıb. Gəlirlərin artması xərclərin artmasını üstələdiyindən bankın xalis mənfəəti 368 min manat artaraq 732 min manatdan 1 milyon 100 min manata qalxıb.

MÜŞTƏRİLƏRƏ VERİLƏN KREDİTLƏR ARTIB

31 Dekabr 2019-cu il tarixində “TuranBank” 489 milyon 538 min manat cəmi aktivlərə malik olub, o cümlədən müştərilərə verilmiş kreditlər 340 milyon 233 min manat təşkil edib.

31 Dekabr 2018-ci il tarixində “TuranBank” 492 milyon 606 min manat cəmi aktivlərə malik idi və aktivlərin 313 milyon 80 min manatını müştərilərə verilmiş kreditlər təşkil etmişdi. Beləliklə, ötən il Bankın müştərilərə verdiyi cəmi kreditlər 27 milyon 153 min manat artıb. Bankın aktivlərindəki geriləmə isə “Nostro" hesabların azalması ilə bağlıdır.

Ötən ilin sonunda “TuranBank” 76 milyon 821 min manat məcmu kapitala malik olub.

MÜŞTƏRİLƏRƏ VERİLƏN KREDİTLƏR ARTIB

​

31 Dekabr 2019-cu il tarixində “TuranBank” 489 milyon 538 min manat cəmi aktivlərə malik olub, o cümlədən müştərilərə verilmiş kreditlər 340 milyon 233 min manat təşkil edib.

31 Dekabr 2018-ci il tarixində “TuranBank”ın cəmi aktivləri 492 milyon 606 min manat, o cümlədən müştərilərə verilmiş kreditlər 313 milyon 80 min manat təşkil etmişdi. Beləliklə, ötən il Bankın müştərilərə verdiyi cəmi kreditlər 27 milyon 153 min manat artıb.

Ötən ilin sonunda “TuranBank” 76 milyon 821 min manat məcmu kapitala malik olub.