Prezident İlham Əliyev “Azərbaycan Respublikası Dövlət Neft Fondu Müşahidə Şurasının yeni tərkibinin təsdiq edilməsi haqqında” Azərbaycan Respublikası Prezidentinin 2018-ci il 27 iyun tarixli 255 nömrəli Sərəncamında dəyişiklik edilməsi barədə Sərəncam imzalayıb.

"Marja" xəbər verir ki, Sərəncam ilə, Azərbaycan Respublikası Dövlət Neft Fondu Müşahidə Şurasının tərkibi aşağıdakı redaksiyada verilib:

Dövlət Neft Fondu Müşahidə Şurasının yeni tərkibi:

Azərbaycan Respublikasının Baş naziri

Azərbaycan Respublikasının Milli Məclisi sədrinin müavini

Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri

Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin müdiri

Azərbaycan Respublikasının maliyyə naziri

Azərbaycan Respublikasının iqtisadiyyat naziri

Azərbaycan Respublikası Mərkəzi Bankının sədri.

Əvvəlki tərkib:

Artur Rasi-zadə- Azərbaycan Respublikasının Baş naziri

Valeh Ələsgərov- Azərbaycan Respublikasının Milli Məclis sədrinin müavini

Vahid Axundov- Azərbaycan Respublikasının İqtisadi siyasət məsələləri üzrə Dövlət müşaviri

Samir Şərifov- Azərbaycan Respublikasının maliyyə naziri

Şahin Mustafayev- Azərbaycan Respublikasının iqtisadi inkişaf naziri

Elman Rüstəmov- Azərbaycan Respublikasının Milli Bankının İdarə heyətinin sədri

Mahmud Kərimov- Azərbaycan Respublikasının Milli Elmlər Akademiyasının prezidenti

Qeyd edək ki, Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümovdur. O, bu vəzifəsindən əvvəl Dövlət Neft Fondunun İcraçı direktoru idi.​ Prezident  Administrasiyasının İqtisadi siyasət və sənaye məsələləri şöbəsinin müdiri isə Natiq Əmirovdur.